1 Samuwɛli 12:11 - ALLALA KUMƐ

¹¹ Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.

1 Samuwɛli 12:11 Iomraidhean Croise

2 Mansɛnu 13:5

Mari ya kunkalɛ do lata min tara anu kunka ka anu bɔ Siriyanu bolo. Wo kɔma, Isirɛla mɔgɛnu sigira lafɛrɛ rɔ iko anu bi nya min nun fɔlɔ.

1 Ko-Kɔrɔta-Karan 7:17

Ulam wola dan tɔgɛ le Bidan. Min bɛɛ madannɛ kɛ la, Makirila den Kaliyadi sɔrɛ le wonu na, Manasa kebila-mɔgɛnu, kɔni.

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.

Kɛlɛ-Kurugbɛnu 6:14

Mari ya a yabi ko, “Ta i sɛnbɛ damasi la ka Isirɛla mɔgɛnu kunka Midiyan kɛnu bolo. N nyɛrɛ le ye i latala.”

Kɛlɛ-Kurugbɛnu 6:31

Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”

Kɛlɛ-Kurugbɛnu 6:32

Bawo Yowasi ara a fɔ ko Beyali ni a tayili sara, woletɔ mɔgɛnu donta Kidiyɔn kele rɔ ko “Yɛruba-Beyali.”

Kɛlɛ-Kurugbɛnu 7:1

Wo wulun sɔgɔma, anu bi Kidiyɔn min kelela Yɛruba-Beyali, wonubɛ ala kɛlɛ-dannu tara anu daga makɛ Harodi tenke dafɛ. Kɔnɔ Midiyan kɛnuna kɛlɛ-dannu tara anu daga makɛ anu denu ma kantɔ lɛɛ do rɔ min bi More kɔnkɛ dafɛ.

Kɛlɛ-Kurugbɛnu 8:29

Kidiyɔn tara ala bɔn la ka a sigi nyɔ.

Kɛlɛ-Kurugbɛnu 8:35

Min sanɛ wo kuma, anu mara fisiriwɔlɛnu na. Anu ma anu miri Kidiyɔn kebilɛ ma min ya Isirɛla mɔgɛnu kunka.

1 Samuwɛli 3:20

Isirɛla nyamani-tonko-nanɛ mɔgɛ bɛɛ ya a lɔn ko Samuwɛli le nɛbiyɛ la Mari ye.

1 Samuwɛli 7:13

Anu ya Filisitinu nɔ. Mari ya a ma, anu ma ke Isirɛla mɔgɛnu nɔla Samuwɛlita wati rɔ.