1 Samuwɛli 10:6 - ALLALA KUMƐ

⁶ Tiriyante wo rɔ, Marita Sɛnbɛ si yigi i kuma. I fanan si kofu anu ma dɔn-kɛ anubɛ wɔlɔyiya-kuma-fɔɛ rɔ iko anu denu. Ila ko-ladan-nya bɛɛ si yɛlɛma. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 10:6 Iomraidhean Croise

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yilan-Yilan Koe 11:25

Mari nyɛrɛ yigira ata banda-fin-gbɛ rɔ ka kuma Musa ye. Marita Sɛnbɛ min nyɛrɛ ye Musa rɔ, a ya wo nyɔgɔ di mɔgɔ-ba wonu ma. Anu ya Marita Sɛnbɛ sɔrɔn nya min kawo, anu wulita kumala iko nɛbinu. Kɔnɔ anu ma mɛ wo kun na.

Yilan-Yilan Koe 11:26

Kɔnɔ Musata mɔgɔ-ba-yabɔni filɛ, Ɛledadi anubɛ Midadi, wonu ma ta ladɛn wo rɔ. Wonu tora dagɛ rɔ, woletɔ anu foora ladɛn wo la. Kɔnɔ hali wo, Marita Sɛnbɛ tara ka yigi anu kuma dagɛ rɔ nyɔ. Anu fanan ya a dabira ka wɔlɔyiya-kumɛ fɔ mɔgɛnu tɛma.

Yilan-Yilan Koe 11:29

Musa ya a fɔ Yasowa ye ko, “Ile le ye nna keliyɛ kɛla n ye, wa? Nba, a si diya nde nyɛrɛ ye ni Isirɛla mɔgɛ bɛɛ si Marita Sɛnbɛ kɛ sɔrɔn. A si diya nde ye gbuyɛ, ni bɛɛ si bɛti bɔ ka Mari wɔlɔbɔ!”

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Kɛlɛ-Kurugbɛnu 14:6

Marita sɛnbɛ yigira ale Samsin kuma. A ya yarɛ wo bira a bole la ka a rafara iko baa-bulan. Kɔnɔ a ma yarɛ wo faga-koe fɔ a fa anubɛ a na ye.

Kɛlɛ-Kurugbɛnu 15:14

Anu ke Gbaga-Gbaga-Koloya soe ma, Filisitinu burimatoe le nara a magbenna. Anu bi sɛrɛn-sɛrɛnna a ma. Marita sɛnbɛ yigira Samsin kuma. A ya fanka sɔrɔn. A ya yili wo ratɛgɛ a bole ma iko yesekari-lamurunnɛ.

Kɛlɛ-Kurugbɛnu 3:10

Marita sɛnbɛ yigira a kuma. A mara Isirɛla mɔgɛnuna kɛlɛ-kurugbɛ la. A tɛ Mɛsopotemiya nyamani-tigi anubɛ ala kɛlɛ-dannu kɛlɛ tinɛ, Mari ya a ma, a ya wonu nɔ.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 10:9

Sɔli ya kilɛ bira tumɛ min, Alla ya a yisi yɛlɛma ka kɛ-nya-kurɛ di a ma. Samuwɛli ya wɔlɔyiya-kumɛ min bɛɛ fɔ a ye, wonu mara tonyɛ la wulɔn tele rɔ.

1 Samuwɛli 11:6

Ale Mansa Sɔli ya kumɛ wo lamɔɛn min kɛ, Allata Sɛnbɛ yigira a kuma. A yisi bɔra dɔgɔma-ma-de!

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.