1 Samuwɛli 10:5 - ALLALA KUMƐ

⁵ “Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 10:5 Iomraidhean Croise

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:3

Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:5

Anu ke Yɛrikɔ, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:7

Nɛbi-karan-dan mɔgɔ bi-loli bilara Nɛbi Ilaya anubɛ Ilaisa fɛ ka ta Yorodan bɛ wara la. Anu ke nyɔ, anu ya anu sɔ Yorodan bɛ dafɛ kɔnɔ nɛbi-karan-dan mɔgɔ bi-loli wonu tora anu ma wulɛ la ka anu yɛ bɛn anu ma.

2 Mansɛnu 3:15

Wo ta bɔlon-fɔlɛ do kele.” Bɔlon-fɔlɛ wola nɛ ka bɔlon-fɔɛ wo dabira, Marita sɛnbɛ yigira Nɛbi Ilaisa kuma.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 6:1

Lunyɛ do, Nɛbi Ilaisala karan-den donu nara anu masigima-koe fɔ a ye ko, “Mala bɔn radɔgɔ.

1 Ko-Kɔrɔta-Karan 11:16

Wati wo rɔ, Dawuda ye kan-tina-latankanɛ wo rɔ. Filisiti donu bara ta Bɛtalehɛm soe bira-a-la.

1 Ko-Kɔrɔta-Karan 13:8

Mansa Dawuda anubɛ ala mɔgɛnu bi tala anu dɔnna anu sɛbɛ-kuna-wɛ la. Anu bi sigi sala anu sɛnbɛ bɛɛ la. Sɔrɔnnu anubɛ yonbenu anubɛ wasanbɛnu anubɛ burinu kɛnɛ a rɔ ka Alla gbiliya.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 16:5

A ya sɔrɔn-fɔlɛ minnu yabɔ, wonu tɔgɛ le kɛnu na, Yeyiyɛli wo, Sɛmiramoti wo, Yehiyɛli wo, Matetaya wo, Ɛliyabu wo, Bɛnaya wo, Obɛdi-Idɔm wo, anubɛ Yeyiyɛli. Wonu kun-tigi le Esafi la. Wo tatugunnɛ le Sakaraya la. Esafi wo, karanya-fɔlɛ le ale fanan na.

Yaburi 49:4

N si wo karan hɛnkilimaya-kumɛnu na. N tenbi sɔrɔn fɔla, n bi a kɔrɛ rakaranna wo ye.

Yaburi 92:3

Mari, n si to i matɔgɔla bɔlɔn la ka sɔrɔn-diyamɛnu fɔ i ye.

1 Kɔrɛnti 14:1

Nba, wo ni wo raya keninteyɛ ma worɔ. Wo ni wo niyi sa Allata Ni-Sɛnimɛta fandɛnu kuma katarala fandɛ wo ma min si a ma, wo ni Allala kumɛ fɔ a kila-bɛrɛ fɛ.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 10:4

Anu si i kɔndɔn ka biredi-lɔngbɔn wo fila di i ma. I ni wonu bira. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 13:3

Yonatan tara bui Filisitinu ma Kibiya dagɛ rɔ. Filisiti doinu ya kumɛ kɛ lamɔɛn tumɛ min, Mansa Sɔli ya kɛlɛ-kɛ buru-fɛlɛnu nata Isirɛla nyamanɛ rɔ alako Hiburu damasi ni na kɛlɛ-kɛ-tinɛ.

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 9:12

Sunkurunnɛ wonu ya a fɔ ko, “Ɔn, a ye nyɔ rɔ. A sa wula la. A ye wo yarɔ. Ni wo ya wo kian bi, wo si ke a rɔ. Wo ye donna soe burɔ nya min, wo ye a yenna le! A nara soe burɔ bi le bawo mɔgɛnu bi anuna sarakɛnu bɔla le bi saraka-mintan-tinɛ kɔnkɛ kuma. Mɔgɔ-wo-mɔgɔ ti fen-dɔn-kɛ fɔ ale wa ke nyɔ bawo ale le ye sarakɛ wonu duwala. Ni wo ya wo kian bi, tumado wo si a taran, yanni a ni yɛlɛ kɔnkɛ kuma fen dɔn tinɛ.”