1 Samuwɛli 10:4 - ALLALA KUMƐ

⁴ Anu si i kɔndɔn ka biredi-lɔngbɔn wo fila di i ma. I ni wonu bira. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 10:4 Iomraidhean Croise

Kɛlɛ-Kurugbɛnu 18:15

Anu damasi tara Maikala bɔn magbenna Lifayi-keminɛ wo ye kan min. Anu ke nyɔ, anu ya Lifayi-keminɛ wo kɔndɔn.

1 Samuwɛli 10:3

I wa bɔ nyɔ fanan, i si ta furr, ha i ni ta ke kɔlɔma-kuru-latankanɛ do kɔrɔ Tebɔ soe dafɛ. I si bɛn kɛmɔgɔ sawa la nyɔ minnu bi tala Alla bato tinɛ Bɛtɛli soe burɔ. Kelan, baa-den sawa ye wo bolo. Wo ye tala wonu na. Doi, biredi-lɔngbɔn sawa ye wo bolo. A sawa nyɔgɛ, i si nɔnbɔ-gbɔ-yi yen gbolo-bɔrɛ do rɔ a bolo.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 16:20

Yɛsi ye Dawuda latala Mansa Sɔli ma tumɛ min, a ya Mansa Sɔli sanbɛnu nata, baa-bulun kelen anubɛ sofɛli-dunu kelen biredi la anubɛ nɔnbɔ-gbɔ-yi gbolo-bɔrɔ kelen.