1 Samuwɛli 10:3 - ALLALA KUMƐ

³ I wa bɔ nyɔ fanan, i si ta furr, ha i ni ta ke kɔlɔma-kuru-latankanɛ do kɔrɔ Tebɔ soe dafɛ. I si bɛn kɛmɔgɔ sawa la nyɔ minnu bi tala Alla bato tinɛ Bɛtɛli soe burɔ. Kelan, baa-den sawa ye wo bolo. Wo ye tala wonu na. Doi, biredi-lɔngbɔn sawa ye wo bolo. A sawa nyɔgɛ, i si nɔnbɔ-gbɔ-yi yen gbolo-bɔrɛ do rɔ a bolo.

1 Samuwɛli 10:3 Iomraidhean Croise

Ko-Dabirɛnu 28:19

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

Ko-Dabirɛnu 35:1

Alla ya a fɔ Yakoba ye ko, “I lasɔ. I ni ta Bɛtɛli tun, n bɔra i ye gbɛ rɔ kan min wo tumɛ i ye i burila i kɔrɔ-kei Isɔ kɔrɔ. I ni saraka-mintan-tinɛ sɔ nde, Alla ye ka i sigi nyɔ.”

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Yɛrɛmaya 32:8

Iko Mari ara a fɔ n ye nya min, Hanamɛli nara n taran yele la ko n ni ala dugi san. N ya a lɔn wo le ma ko Mari nyɛrɛ le wara kuma n ye!

Saraka-Masɔlɛnuta Tɔnnu 1:10

“Ni mɔgɛ ye sarakɛ bɔla ata saga-wɔrɛ rɔ, ni wo ma, ata baa wɔrɛ rɔ ka a ma saraka-mintantɛ la, fɔ a ni ma a keimɛ la fɛɛ sa min na.

Saraka-Masɔlɛnuta Tɔnnu 23:13

anubɛ pani-kunbɛ-nya fila dɛgɛ la min tamaganɛ tuli la. Dɔn-fen-sarakɛ kɛ mintan-sumɛ si a diya don Mari rɔ. Wo kɔma, Mari ko ma ni na nɔnbɔ-gbɔ-yi kilasi-nya nani la ka a kofu sarakɛ kɛnu ma.

Saraka-Masɔlɛnuta Tɔnnu 3:12

“Ni mɔgɛ do nara baa-sarakɛ la Mari ye, a ni a bole sa a kunyɛ kuma ka a kan natɛgɛ Marita Fani-Bɔn yarɔ. Saraka-masɔlɛ donu si na a yele la ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 3:6

“Min tenbi nala sagɛ la, ni wo ma, baa la a bolo, a mara a keima la wo, a mara a musuma la wo ka wo ma yisi-kima-sarakɛ la, fɛɛ kana taran a la.

Saraka-Masɔlɛnuta Tɔnnu 7:13

A si kɛ do kelen bi ka a ma sarakɛ la Mari ye anubɛ biredi-lɔngbɔn isiti kɛnɛ min tɔ. Wonu si to saraka-masɔlɛ ye min si saraka-yele bi ka a lawuya saraka-mintan-tinɛ kɔrɔ.

Yasowa 19:12

Ka a dabira Saridi soe ma tun, dan wo le tara tele-bɔɛ wara la ha ka ta ke Kisiloti-Tebɔ soe dan ma ka ta ha Dabɛrati soe ka minimini kɔnkɛ ma ka a ke ha Yafaya soe ma.

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.

Kɛlɛ-Kurugbɛnu 20:27

Allala tɔn-kenkirɛ ye Bɛtɛli soe burɔ wo wati rɔ. Ɛliyasala den Finihasi, Aruna mamanɛ, kɔni, wo le tɔn-kenkirɛ wo kun na wo wati rɔ. Anu ya Mari manyinika tun ko, “Ma ni anu kɛlɛ le, ka, ma ni ma fara anu kɛlɛla?” Mari ko, “Wo ta anu kɛlɛ tinɛ. Sina wo si anu nɔ.”

Kɛlɛ-Kurugbɛnu 4:12

Sisara ya a lamɔɛn tumɛ min ko Bɛraki anubɛ ala kɛlɛ-dannu bara yɛlɛ Tebɔ kɔnkɛ kuma,

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.

Kɛlɛ-Kurugbɛnu 8:18

Kidiyɔn ya mansa biranɛ wonu manyinika, a ko, “Wo ya mɔgɔ filɛ minnu faga Tebɔ kɔnkɛ kuma wulɔn, wo ya nfen lɔn wonuna ko rɔ?” Mansɛ wonu ko, “Ma ya mɔgɔ filɛ minnu faga, wonubɛ mansa-dannu munta, ado anu munta i la fanan.”

1 Samuwɛli 10:4

Anu si i kɔndɔn ka biredi-lɔngbɔn wo fila di i ma. I ni wonu bira. Wo le ye a yirala i la ko Mari le wara i yabɔ ka i ma mansɛ la.