1 Samuwɛli 10:27 - ALLALA KUMƐ

²⁷ Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.

1 Samuwɛli 10:27 Iomraidhean Croise

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 5:1

Mansa Hairam min siginɛ Taya soe burɔ, Mansa Dawuda diyana-mɔgɛ le wo la nun. Wo ya a lamɔɛn tumɛ min ko Mansa Silamɛni bara ma mansɛ la a fa Dawuda gbɛ rɔ, a ya ala mɔgɔ-ba donu nata Mansa Silamɛni kɔndɔn tinɛ.

2 Ko-Kɔrɔta-Karan 13:7

Wo kɔma, a ya kalabantenu nadɛn minnu tara Rihobowami kan ma. Wo wati rɔ, fonike le ale Mansa Rihobowami la, ado a ti kalabante wonu nɔ kumɛ rɔ.

2 Ko-Kɔrɔta-Karan 17:5

Mari ya Yuda nyamanɛ lasabati Yɛhosafati ye. Ala mɔgɛnu tora a sanbala ha a mara nɔnfulu-tigi anubɛ tɔgɔlamɛ la.

Yaburi 38:13

N sɔnɛ iko tolo-gbere. N manɛ iko bobe.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Makawandili Kumɛnu 7:21

I kana to i tole masɔla mɔgɛnuna kumɛ kɛ dama la. Ni wo ma, lunyɛ do, i si i tanama-kumɛ lamɔɛn ila wɔli-kɛlɛ bolo,

Aiseya 36:21

Kɔnɔ mɔgɛ wonu tadenɛ tora sɔni iko Mansa Hɛsakaya ya a fɔ anu ye nya min. Anu ma fenfen fɔ!

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Kɛwɔlɛnu 7:35

“Ado nfan, Musa wo le kɛ la, Isirɛla mɔgɛnu ya anu ban min na ka a fɔ a ma ko, ‘Yon ya ile ma kun-tigi anubɛ kiti-tɛgɛlɛ la ma kuma?’ Alla ya ale le sɔ ka a ma kun-tigi anubɛ kisilɛ la, yɔ! A ya melika min yen ta-mɛlan rɔ kɔlɔma-nɛ rɔ, melika wo le ye a dɛnbɛna mɔgɔ-kisi-koe la.

Tɔn-Fɔɛ-Fila-Nyɔgɛ 13:13

wo na-kelen-nyɔgɔ-kuntan do ara mɔgɛnu kɔndɔfili soe do rɔ ka anu nabɔ Allata kilɛ fɛ,

1 Samuwɛli 11:12

Kɛlɛ wo kanɛ a la, Isirɛla mɔgɛnu ya a fɔ Samuwɛli ye ko, “Mɔgɛ minnu sa nyinina Sɔlila mansayɛ ma, wonu yira ma la. Ma ni anu faga.”

1 Samuwɛli 11:13

Kɔnɔ Mansa Sɔli ya a fɔ anu ye ko, “Wo kana mɔgɛ faga bi bawo Mari ara Isirɛla mɔgɛnu natanka bi.”

1 Samuwɛli 16:20

Yɛsi ye Dawuda latala Mansa Sɔli ma tumɛ min, a ya Mansa Sɔli sanbɛnu nata, baa-bulun kelen anubɛ sofɛli-dunu kelen biredi la anubɛ nɔnbɔ-gbɔ-yi gbolo-bɔrɔ kelen.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.

1 Samuwɛli 25:17

Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”