1 Samuwɛli 10:21 - ALLALA KUMƐ

²¹ A nara Bɛnyamɛ bɔnsɔn la ka wonu sɔ iko anuna kebilɛ ye nya min. Mari ya Matiri kebilɛ yabɔ Bɛnyamɛ bɔnsɔn rɔ. Mari ya Kisala den-kei Sɔli yabɔ Matirila kebilɛ rɔ. Anu ya anu yɛ lakalan a ma nyɔ kɔnɔ anu ma a yen.

1 Samuwɛli 10:21 Iomraidhean Croise

2 Samuwɛli 3:19

Wo kɔma, a tara kuma Bɛnyamɛ bɔnsɔn-mɔgɛnu na. A ban ko-rabɛn wo la, a nara to tala Dawuda wara Hiburɔn soe burɔ. Abina anubɛ mɔgɔ mogan tara Dawuda warɛ. Anu ke a ma, Dawuda ya anu nadiya-belebele-wɛ kɛ. Isirɛla mɔgɛnu anubɛ Bɛnyamɛ bɔnsɔn-mɔgɛnu sɔnta koe minnu ma yɛ, Abina ya wo bɛɛ rakaran a ye.

Hɛnkilimaya-Kumɛnu 18:18

Ni mɔgɔ-ba fila sɔsɔra koe dola ko la, wo ni korɔn lakɛ anu tɛma. Tumado, sɔsɔlɛ wo si ban koron-nakɛ wo fɛ.

Yona 1:7

Kulun-tawɔli-kɛlɛnu ya a fɔ ko, “Ma ni korɔn lakɛ ma nyɔgɔn tɛma wona ka a lɔn ni min gbɛ le tɔrɔyɛ kɛ la.” Anu ya korɔn lakɛ min kɛ, a ya Nɛbi Yona bira.

Kɛwɔlɛnu 13:21

Kɔnɔ anu nɔrɔta mansaya-koe ma min kɛ, Alla ya Kisila dan Sɔli di anu ma ka bɔ Bɛnyamɛ bɔnsɔn rɔ alako wo ni ma anuna mansɛ la. A tora mansayɛ la san bi-nani kɔrɔ.

1 Samuwɛli 10:20

Samuwɛli nara Isirɛla bɔnsɔn damasi la. Mari ya Bɛnyamɛ bɔnsɔn yabɔ.

1 Samuwɛli 10:22

Anu ya Mari manyinika tun a wara-koe ma, anu ko, “Ale ye mintɔ? A ye ma tɛma yan?” Mari ya a fɔ ko, “Wo ma a dogonnɛ yen dunɛnu kɔma wo la?”

1 Samuwɛli 9:2

Kisa wola dan do ye nyɔ min tɔgɛ Sɔli. Sɔli kɛ, kemini-hakikɛ le, ado Isirɛla mɔgɛ bɛɛ dan le a kanban-kunyɛ la. A kin fanan.