1 Samuwɛli 10:19 - ALLALA KUMƐ

¹⁹ A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 10:19 Iomraidhean Croise

Hɛnkilimaya-Kumɛnu 16:33

Mɔgɛ si hɛnkili nyini koron-nakɛ fɛ kɔnɔ a ye koe min nadanna wo la, Mari le ye wo kɔrɛ yirala a la.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Yilan-Yilan Koe 11:20

kɔnɔ wo si to a dɔnna ha karɛ kelen. A ko wo si a dɔn ha a ni bɔ wo sunyɛ rɔ. A ko wo si to a dɔnna ha a wuyɛ ni sigi wo ma. Min ya a to a ye kɛ mala, a ko bawo mɔgɔ-fisiri-fasarɛ le wole la. A ko wo ara da-magboya-kumɛ fɔ, hali wo ye a fɔla ko a fisa nun hali wo tora Iyipiti.”

Yilan-Yilan Koe 17:2

“A sɔgɛ ye n na, n ni gbunya-kumɛ ban wo tɛma. A fɔ Isirɛla mɔgɛnu ye ko bɔnsɔn tan-ni-fila kun-tigi kelen-kelennamɛ-bɛɛ ni na anuta kɔrɔ-sɔ-sewurinu na anu bolo. Anu ba na kɔlɔma wonu na tumɛ min, i si bɔnsɔn-kun-tigi kelen-kelan tɔgɔ sɛbɛ ata kɔlɔma ma.

Tɔn-Fɔɛ-Fila-Nyɔgɛ 17:14

“Mari Alla ye nala nyamanɛ min dila wo ma, wo wa ta wo sigi-bole rabɛn nyɔ rɔ, ni a sɔgɛ ya wo bira ka wota mansɛ sigi wo kuma iko wo dafɛ mɔgɛnuta mansɛnu siginɛ anu kuma nya min,

Yasowa 24:1

Yasowa ya Isirɛla bɔnsɔn bɛɛsi kele Sɛkɛm soe rɔ, katarala a kina wo, a mɔgɔ-ba wo, a kun-tigi wo, anubɛ a kiti-tɛgɛlɛnu ma. Wonu dama nara anu sɔ anu nyɔgɔn fɛ Marila Bɔn yakɔrɔ.

Kɛlɛ-Kurugbɛnu 8:23

Kɔnɔ Kidiyɔn ya a fɔ anu ye ko, “Maleta bɔn ti ma mansaya-bɔn la wo kuma. Fɔ Mari, wo le dɔrɔn si ma wota mansɛ la.”

1 Samuwɛli 10:20

Samuwɛli nara Isirɛla bɔnsɔn damasi la. Mari ya Bɛnyamɛ bɔnsɔn yabɔ.

1 Samuwɛli 12:12

“Kɔnɔ wo ya Amon Mansa Nehasi yen nala wo kɛlɛla min kɛ, wo ya wo ban wota Marita mansayɛ ma. Wo ya a fɔ n ye ko, ‘Ma ye nyinina mata mansɛ ma min si to ma kun na.’ ”

1 Samuwɛli 14:23

Anu tara kɛlɛ kɛla furr, fɔɔ Bɛti-Efɛn soe kɔma. Mari ya Isirɛla mɔgɛnu natanka wulɔn de!

1 Samuwɛli 14:38

Mansa Sɔli ya a fɔ kɛlɛ-den-kun-tiginu ye ko, “Wo na, ma ni koe kɛ fɛsɛfɛsɛ. Ma ni a lɔn ma ara hakɛ min kɛ bi.

1 Samuwɛli 3:21

Mari tora kumala Samuwɛli ye Sailo soe burɔ ka ko-rayirɛ kɛ a ye, ado Samuwɛli kumara tuma-wo-tuma, Isirɛla mɔgɛnu si anu tole masɔ a la.

1 Samuwɛli 4:1

Wo wati rɔ, Filisitinu ya anu kundɛn Isirɛla mɔgɛnu kan ma. Isirɛla mɔgɛnu fanan ya anu nawuli ka ta anu kɛlɛ tinɛ. Anu tara anu daga makɛ kan tinɛ do rɔ anu ya min kele ko Dɛnbɛn Kuriya. Filisitinu fanan tara anu daga makɛ soe do dafɛ min tɔgɛ Afɛki.

1 Samuwɛli 8:19

Kɔnɔ hali wo, mɔgɛnu ma sɔn anu tole masɔla Samuwɛlita kumɛ wonu na. Anu ya a fɔ a ye ko, “Hali wo, male ye nyinina mata mansɛ le ma,

1 Samuwɛli 8:5

Anu ya a fɔ a ye ko, “N fa, ile ara wuli kɔrɔyala, ado ila dannu sa sɔnna i kɛ-nya bila. A sɔgɛ ye ma la, i ni i bole sɔ mɔgɛ do la min si ma mala mansɛ la alako male fanan ni mansɛ sɔrɔn iko sibolo-gbɛrɛ minnu bi mala foolɛ rɔ.”