1 Samuwɛli 1:9 - ALLALA KUMƐ

^9-10 Lunyɛ do, anu ban fen dɔn la Mari bato-bɔn la Sailo, Hana ya a lasɔ ka ta Mari madiya tinɛ. A ye madiyalɛ wo kun na, a ye dila biribiri, bawo a yisi tinyanɛ. Wo ya a taran, Saraka-Masɔla-Kun-Tigi-Wɛ Ilayi siginɛ bonda-dɛ la.

1 Samuwɛli 1:9 Iomraidhean Croise

2 Samuwɛli 7:2

Mansa Dawuda ya a fɔ Nɛbi Netan ye ko, “Nde siginɛ bon-hakikɛ min nadannɛ sida kɔlɔma la kɔnɔ Marita tɔn-kenkirɛ wo siginɛ fani-bɔn la.”

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 29:9

A kuman-kan si kɔlɔma-tagbɛlɛ-wɛnu namaga. A si kɔlɔma-yanbɛnu sagan a la. Kɛnu tenbi mala wati min, wo si a taran, mɔgɛnu bi a lawɔyɔla Bato-Bɔn la. Anu bi a fɔla ko, “Gbiliyɛ ni di Alla ma.”

Yaburi 5:7

Mari, n si ke tala le ita Bato-Bon-sɛnimɛ la ka a tɛgɛ ila keninteya-dannatɛgɛbɛlɛ ma. N ba ke nyɔ, n si n sa i kɔrɔ ka i bato.

Bɔ-Koe-Iyipiti 21:6

A tigi wo si ta a la nde, Mari bato tinɛ ka a tole sɔgɔ bɛn la bonda-dɛ la nyɔ. Min bi tulumɛ rɔ, wo si to wɔlila a tigi ye a siyi-tele-bɛɛ kɔrɔ.

1 Samuwɛli 3:15

Samuwɛli kira sani kudu, ha banda kara. A ya a lasɔ ka Marita Fani-Bɔn bonda-dɛ laka. Kɔnɔ a kilanta ala ko-rayirɛ wo rakaranna Ilayi ye.

1 Samuwɛli 4:13

Ilayi siginɛ waganɛ rɔ kilɛ la. A yɛ mawuyannɛ bawo a hɔnnɛ Allata tɔn-kenkirɛ wo kuma. Wo wati ya a taran, Ilayi ara san bi-kɔnɔntɔ ani san segin (98) bɔ, ado a ara fɔlɔla fiyonyala. Koe min bɛɛsi mara kɛlɛ rɔ, Bɛnyamɛ kɛ wo ya wo rakaran soe wo kan-tinɛ bɛɛ rɔ. Mɔgɛ bɛɛ donta di-kɛ rɔ kilan bolo. Ilayi ya di-kɛ-kan wo lamɔɛn tumɛ min, a ya mɔgɛ do manyinika ko, “Nfen di kɛ ye pan?” Kɛlɛ-kɔrɔ-burilɛ wo burimatoe tara a fɔ Ilayi fanan ye ko,