1 Samuwɛli 1:22 - ALLALA KUMƐ

²² Kɔnɔ kɛ wati rɔ, Hana ma bila anu fɛ. A ya a fɔ ala kei ye ko, “Dan da wa ka tumɛ min, n si a bi ka ta a to Mari bato tinɛ. A si to nyɔ a siyi-tele-bɛɛ kɔrɔ.”

1 Samuwɛli 1:22 Iomraidhean Croise

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 23:6

N ya a lɔn ko ala ko-nyimɛ anubɛ ala keninteyɛ si to n fɛ tɛban! Fananta n bi n kɛndɛ la, Marita bɔn ye n barayɛ la.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Bɔ-Koe-Iyipiti 21:6

A tigi wo si ta a la nde, Mari bato tinɛ ka a tole sɔgɔ bɛn la bonda-dɛ la nyɔ. Min bi tulumɛ rɔ, wo si to wɔlila a tigi ye a siyi-tele-bɛɛ kɔrɔ.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Luka 2:22

Alla ya tɔn minnu di Nɛbi Musa ma sɛninya-koe ma, a wati kera ko Yusufu anubɛ Mariyama ni wo kɛ. Woletɔ anu tara dennɛ la Yerusalɛm ka a dantɛgɛ Mari Alla ma.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

Yasowa 4:7

wo si a fɔ anu ye ko, ‘Saraka-masɔlɛnu tara Marila tɔn-kenkirɛ la Yorodan bɛ tɛma wati min, yi gbalata.’ Kuri kɛnu si Isirɛla mɔgɛnu hɛnkili bila wo wati rɔ.”

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 1:28

Kaka, n bara na a la ka a dantɛgɛ Mari ma. Fananta a ye a niyi la, Maritɛ le ale la.” Anu dama ya Mari bato nyɔ.

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 2:11

Ɛlakena anubɛ ala musi sɛgira anu barɛ Rema soe burɔ kɔnɔ anu ya Samuwɛli wo to Saraka-Masɔla-Kun-Tigi-Wɛ Ilayi bolo Sailo soe burɔ ka Marita wɔlɛ kɛ nyɔ.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.

1 Samuwɛli 28:2

Dawuda ya a yabi ko, “Ɔn, ila wɔli-kɛlɛ le nde la, i si a yen n bi i dɛnbɛna nya min.” Mansɛ wo ya a fɔ a ye ko, “Nba, ile si ma n makandannɛ la gbɛ burubukai!”

1 Samuwɛli 3:1

Samuwɛli ye Marita wɔlɛ kɛla Ilayi kɔrɔ wati min, Mari sa kuma-siyaman fɔla mɔgɛnu ye wo wati rɔ nun, ado ala ko-rayirɛ fanan ma siya mɔgɛnu ye.