1 Samuwɛli 1:20 - ALLALA KUMƐ

²⁰ A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”

1 Samuwɛli 1:20 Iomraidhean Croise

Ko-Dabirɛnu 16:11

I si den-kei sɔrɔn. I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn. Sumanyila wo kɔrɛ le ko, ‘Alla si ko lamɔɛn.’

Ko-Dabirɛnu 30:22

Alla ya a fonde lamiri Resɛli ma ka ala madiyali-kan lamɔɛn. Alla ya tɔn bɔ a la

Ko-Dabirɛnu 4:25

Hadama anubɛ ala musi ya den-kei do sɔrɔn tun. Ala musi ya wo tɔgɔ sa Sɛti bawo tɔgɛ wo kɔrɛ le iko mɔgɔ wa a fɔ ko, “ka a di.” A ya a fɔ ko, “Alla ara den-kei do di n ma Ebɛli gbɛ rɔ tun, Ken ya min faga, kɔni.”

Ko-Dabirɛnu 5:29

A ya a tɔgɔ sa Nowa bawo tɔgɛ wo kɔrɛ le iko mɔgɛ wa a fɔ ko, “Lafɛrɛ.” A ko, “Mari ara dugu-kole min danka, Nowa kɛ si na lafɛrɛ la ma ye mala wɔlɛla ko la.”

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yaburi 120:1

N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

Bɔ-Koe-Iyipiti 2:10

Dan wo koloyara tumɛ min, a na tara a to mansɛla dunmusi wo ma. A mara wola den-kei la. Musi wo ya a fɔ ko, “N ya dan kɛ labɔ yi le tɔ,” woletɔ a ya a tɔgɔ sa Musa.

Bɔ-Koe-Iyipiti 2:22

Sipora ya den-kei sɔrɔn Musa ma. Musa ya a miri ko, “N bi sundanyɛ la nyamanɛ kɛ rɔ,” woletɔ a ya ala dan wo tɔgɔ sa Kɛrisɔn.

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Hiburunu 11:32

N ni misalɛ do yira wo la tun, ba? Wati-yan sa n bolo ka Kidiyɔnna koe fɔ anubɛ Bɛraki anubɛ Samsin anubɛ Yɛfɛta anubɛ Mansa Dawuda anubɛ Samuwɛli anubɛ a nɛbi-toenu.