1 Yɔni 5:9 - ALLALA KUMƐ

⁹ Ni ma lanɛ mɔgɔna-sereyɛ la, nfenna ma ti la Allala sereyɛ la? Wo kolo mɔgɛnutɛ ko, ado Alla ara ban sereyɛ bɔla ala danla ko la.

1 Yɔni 5:9 Iomraidhean Croise

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Yɔni 10:38

Kɔnɔ ni n ya n Fala kɛwɔlɛnu kɛ, a bɛnta, wo ni la kɛwɔli wonu denu na. Wo ni la wonu na, hali wo ma la nde la. Wo si a lɔn worɔ ko n Fa ye nde rɔ. Nde fanan bi ale rɔ.”

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Kɛwɔlɛnu 17:31

ado a ara wo tele latɛgɛ a si duninya bɛɛ kiti tɛgɛ lunyɛ min telenbagayɛ la. A ara ale Yisa yabɔ ko ale le ni mɔgɛ bɛɛ kiti a ye. A ara wo yira ma bɛɛ la ata lawuli fɛ ka bɔ furinu tɛma!”

Kɛwɔlɛnu 5:32

Koe kɛnu sereyɛ le male la. Alla ara ata Ni-Sɛnimɛ di ata kuma-biralɛnu ma.”

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Yɔni 5:10

Woletɔ ni min lanɛ Allala dan la, sereyɛ kɛ ye wo bolo a yisi rɔ. Kɔnɔ min ma la Alla la, wo ara Alla ma foninya-fɔlɛ la bawo Alla ara sereyɛ min bɔ ata danla ko la, a ma la wo la.

1 Yɔni 5:8

Allata Ni-Sɛnimɛ wo, yi wo, anubɛ yele. A sawɛ bɛɛ, kan kelen.