1 Yɔni 5:21 - ALLALA KUMƐ

²¹ Woletɔ n diyana-dannu, wo ni wo nyɛrɛ matanka bɛsi-kɔ-koe ma!

1 Yɔni 5:21 Iomraidhean Croise

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

1 Kɔrɛnti 10:14

Woletɔ n diyana-mɔgɛnu, wo ni wo matanka bɛsi-kɔ-koenu ma.

1 Kɔrɛnti 10:7

Ma kana bɛsɛnu kɔ iko wonu denu ya a ma nya min, ado a sɛbɛnɛ Allata kitabu rɔ ko, “Anu ya anu de-nyini ka anu min. Wo kɔma, anu wulita Alla-lɔnbɛlɛnuna dɔn-kɛ-nya bila.”

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

1 Yɔni 2:1

N diyana-dannu, n bi kɛ sɛbɛla wo ma alako wo kana hakɛ kɛ kɔnɔ ni wo do ya hakɛ kɛ, Yisa Kirasiti ye ma bolo. Mɔgɔ-latelennɛ le ale Yisa wo la min bi ma Fa Alla matarala mala ko la,

Lankɛnimayɛ 14:11

Tɛ min si anu tɔrɔ, wo sisi ye yɛlɛla san ma habadan! Minnu ya sogo-feremɛ wo kɔ anubɛ ala muninyɛ anubɛ minnu sɔnta a tɔgɔ-yatɛ-mandan ni sa a telɛ ma, ni wo ma, a bole, sulen mumɛ sa wonu ye su-ni-tele.”

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.