1 Yɔni 5:18 - ALLALA KUMƐ

¹⁸ Ma ya a lɔn ko Allala den-bɛrɛ ye minnu na, wonu fenfen ti to hakɛ kɛla bawo Allala dan ye anu kandanna. Setanɛ ti ke anu madumala.

1 Yɔni 5:18 Iomraidhean Croise

Yaburi 119:101

N ya n masɛgi ko-yogoma-kɛ bɛɛ la bawo a sɔgɛ ye n na, n ni ita kumɛnu bira.

Yaburi 119:3

Anu ti ko-yogoma ma. Anu bi tagamana Marita kilɛ le fɛ.

Yaburi 17:4

N sa kuma-yogomɛ fɔla iko mɔgɛ doinu. N bara ita kumɛ bira. N ma bila karagbɛlɛnuta kilɛ fɛ.

Yaburi 18:23

A ya a lɔn ko fɛɛ sa n na, ado n bara n nyɛrɛ mara hakɛ-kɛ-koe ma.

Yaburi 39:1

N ya a fɔ ko, “N tenbi koe min mala, n ni a ma n fɛrɛma. N ti sɔn, n dɛ ni n bila hakɛ rɔ. Karagbɛlɛnu tenbi n dafɛ, n si n tade don!”

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Saraka-Masɔlɛnuta Tɔnnu 11:37

Ni fan kɛ do suyi buira sugu-wo-sugu kuma, wo sɛninyanɛ de!

Matiyu 5:37

Ni i ko, ‘Ɔn,’ a ni ma ɔn la. Ni i ko, ‘Ade,’ a ni ma ade la. I wa min fɔ wo kɔma, wo bɔnɛ Setanɛ bolo.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Yɔni 1:13

Kɔnɔ anu ma ma Allala dannu na iko mɔgɛ ye dan sɔrɔnna nya min. Alla nyɛrɛ le anu Fa la.

Yɔni 14:30

Wati-yan sa n bolo tun ka kuma wo ye bawo dɛnkɛninyabɛlɛnuna kun-tigi ye nala. Kɔnɔ sɛnbɛ sa wo bolo n kuma hali!

Yɔni 15:4

Wo ni to nde rɔ, nde fanan si to wole rɔ. Ni wo ma to nde rɔ, wo ti ke gbɔla. Wo si ma iko bolɔn min tugunni ma kɔlɔma-kuri la, wo sa gbɔla nya min.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 15:9

“N Fa Alla ya n keni nya min, nde fanan ya wo keni wo nya le. Wo ni to nta keninteyɛ tɛma den!

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

1 Yɔni 2:29

Wo hɛnkili ni to kɛ ko. Kirasiti, mɔgɔ-latelennɛ le. Wo ni a lɔn worɔ ko min bɛɛ si ko-latelennɛ kɛ, Allata dan le wo tigi la.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.

1 Yɔni 3:9

Allala dan ye minnu na, wonu ti to hakɛ kɛla bawo Alla sɔn ye wonu bolo, ado anu Fa ye Alla la min kɛ, anu ti ke tola hakɛ kɛla worɔ.

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

1 Yɔni 5:15

ado ma wa a matara tuma-wo-tuma, a ye ma kan lamɔɛnna. Ma ya a lɔn ko tonyɛ le kɛ la. Ma ya a lɔn fanan ko ma wa a matara min na, a ara ban wo dila ma ma.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

1 Yɔni 5:21

Woletɔ n diyana-dannu, wo ni wo nyɛrɛ matanka bɛsi-kɔ-koe ma!

1 Yɔni 5:4

bawo Allala dan bɛɛ si ke duninya nɔla. Ma si duninya nɔ mala dɛnkɛninyɛ le fɛ.

Yude 1:21

Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!