1 Yɔni 5:16 - ALLALA KUMƐ

¹⁶ Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

1 Yɔni 5:16 Iomraidhean Croise

Ko-Dabirɛnu 20:17

Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Yɛrɛmaya 11:14

Mari ko nde, Yɛrɛmaya kana madiyali kɛ wole ye. A ko n kana n dɛ sa-a-rɔ wola ko la, ni wo ma, ka tarali kɛ wo ye. Wo wa Mari rakele tɔrɔyɛla ko la, a ko a ti a wɔlɔ matɔlɔ wo la.

Yɛrɛmaya 14:11

Mari ya a fɔ nde, Yɛrɛmaya ye ko n kana a matara tun wole, Yudala hɛrɛ-sɔrɔn-koe la.

Yɛrɛmaya 7:16

Kɔnɔ Mari ya a fɔ n ye ko nde, Yɛrɛmaya kana madiyali kɛ wole, Yuda kɛnu ye. A ko n kana di wola ko la. N kana fenfen matara wo ye. A ko n kana a madiya wo dɛnbɛn-koe la bawo a ti a wɔlɔ matɔlɔ wola ko la mumɛ!

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Yilan-Yilan Koe 12:13

Musa fanan dira Mari dala, a ko, “E, Alla, i yandi, n kɔrɔ-musi lakɛndɛya.”

Yilan-Yilan Koe 15:30

“Ni mɔgɛ do ya a tui ka tɔn wo do tinya, a ara bila nde, Mari la. Wo si mɔgɛ wo bira ka a faga. Wo mara dugurɛn na wo, a mara sundan na wo, wo tigi si faga

Luka 12:10

“Min ba kuma-yogomɛ fɔ nde, Hadama-dan ma, wo ma si koto. Kɔnɔ min ba kuma-yogomɛ fɔ Allata Ni-Sɛnimɛ ma, wo ma ti koto mumɛ!

Yɔni 17:9

“N bi madiyali kɛla anu ye. N sa madiyali kɛla dɛnkɛninyabɛlɛnu ye, fɔ i ya minnu di n ma bawo itɛ le anu denu na.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

1 Yɔni 5:17

Koe min bɛɛ ma telen, hakɛ le wo la kɔnɔ hakɛ do ye nyɔ min si a ma, a ni foo habadan-nimayɛ la.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.