1 Yɔni 4:4 - ALLALA KUMƐ

⁴ N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.

1 Yɔni 4:4 Iomraidhean Croise

Yɔni 12:31

“Duninya-mɔgɛnu kiti-tɛgɛ-tumɛ ara ke. Dɛnkɛninyabɛlɛnuna kun-tigi gben-tumɛ ara ke.

Yɔni 14:30

Wati-yan sa n bolo tun ka kuma wo ye bawo dɛnkɛninyabɛlɛnuna kun-tigi ye nala. Kɔnɔ sɛnbɛ sa wo bolo n kuma hali!

Yɔni 16:11

Dɛnkɛninyabɛlɛnuna kun-tigi, wola kiti wa ban tɛgɛla, anu si a lɔn Allala kiti ye nya min.

Yɔni 17:23

Nde ye anu tɔ, ile fanan bi nde rɔ. Alamɛ anu mara kelen na alako duninya-mɔgɛnu ni a lɔn ko ile le ya n sɔ. Anu ni a lɔn fanan ko i wara anu keni iko i wara nde keni nya min.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 2:12

ado Alla ya tonyɛ min bɛɛ di ma ma, ma ya wo nya-yen bawo Alla ya a nyɛrɛta Niyi di ma ma. A ma duninya kɛ niyi di ma ma.

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

1 Yɔni 2:1

N diyana-dannu, n bi kɛ sɛbɛla wo ma alako wo kana hakɛ kɛ kɔnɔ ni wo do ya hakɛ kɛ, Yisa Kirasiti ye ma bolo. Mɔgɔ-latelennɛ le ale Yisa wo la min bi ma Fa Alla matarala mala ko la,

1 Yɔni 2:13

N fanu, n bi do sɛbɛla wo ma bawo wo ya Alla lɔn min bi nyɔ kebi fɔlɔfɔlɔ. Fonikenu, n bi do sɛbɛla wo ma bawo wo ara Setanɛ nɔ.

1 Yɔni 3:20

Hali ma sɔndɔmɛ ya a fɔ ma ye ko ma ma ko-telenni kɛ, ma ya a lɔn ko Alla kolo ma sɔndɔmɛ ko, ado Alla ya koe bɛɛ lɔn.

1 Yɔni 3:24

Min ba Allala tɔnnu bira, wo ye Alla le tɔ. Alla ye ale fanan tɔ. Nba, ma ya a lɔn kɛ le fɛ ko Alla ye male rɔ. Ma ya wo lɔn bawo a ara ata Ni-Sɛnimɛ di ma ma nun.

1 Yɔni 4:13

A ara a Niyi di ma ma min kɛ, ma ya a lɔn ko male ye Alla rɔ, Alla ye male rɔ.

1 Yɔni 4:16

Male nyɛrɛ ya keninteyɛ wo lɔn min bi Alla bolo male ye, ado ma lanɛ keninteyɛ wo la gben! Alla le keninteyɛ la. Min tonɛ keninteyɛ rɔ, wo tigi ye Alla rɔ, Alla ye ale fanan tɔ.

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

1 Yɔni 5:4

bawo Allala dan bɛɛ si ke duninya nɔla. Ma si duninya nɔ mala dɛnkɛninyɛ le fɛ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.