1 Yɔni 4:17 - ALLALA KUMƐ

¹⁷ Ma si a lɔn kɛ le fɛ ko ni Allata keninteya-kanbalinɛ ye male rɔ, ado ni ma sigi-bole duninya kɛ rɔ wonubɛ Kirasititɛ, kelen de, ma ti kilan kiti-tɛgɛ-lunyɛ ma.

1 Yɔni 4:17 Iomraidhean Croise

Matiyu 10:15

Wo ni wo hɛnkili to kɛ ko! Kiti-tɛgɛ-tele rɔ, Alla si kinikini Sɔdɔm anubɛ Kɔmɔra soe mɔgɛnu ma ka tenbi soe wo la!

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 11:22

Nba, n ni a fɔ wo ye. Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.

Matiyu 11:24

Nba, n ni a fɔ wo ye. Kiti-tɛgɛ-tumɛ wa ke, Alla si kinikini Sɔdɔm so-burɔ-mɔgɛnu ma ka tenbi ile la.”

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Yɔni 17:22

I ya gbiliyɛ min di n ma, n bara wo di anu denu ma. N ya wo ma alako anu ni ma kelen na iko malebɛ ye nya min.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Yemesi 2:22

Wo ma a yen, ba? Ala dɛnkɛninyɛ anubɛ ala kɛwɔlɛnu wɔlita anu nyɔgɔn fɛ. Ala dɛnkɛninyɛ bɔra gbɛ rɔ ala kɛwɔlɛnu fɛ.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

2 Pita 3:7

Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Yɔni 2:5

Ni min bi Allala kumɛ birala, mɔgɛ le wo la minna keninteyɛ ara kanbali Alla wara la. Ni min ko a tonɛ Alla rɔ tuma-wo-tuma, fɔ a ni ko ladan iko Yisa Kirasiti ya a ma nya min. Ma si a lɔn wo le fɛ ko ma ye Alla rɔ.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

1 Yɔni 4:12

Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.