1 Yɔni 4:12 - ALLALA KUMƐ

¹² Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.

1 Yɔni 4:12 Iomraidhean Croise

Ko-Dabirɛnu 32:30

Woletɔ Yakoba ya kan tinɛ wo tɔgɔ sa Pɛniyɛli bawo wo kɔrɛ le iko mɔgɔ wa a fɔ ko, “Alla Kolonkɛ.” A ko, “N bara Alla nyɛrɛ kolonkɛ yen n yɛ la kɔnɔ n ma faga.”

Bɔ-Koe-Iyipiti 33:20

Kɔnɔ n ti sɔn i ni n yakɔrɛ yen bawo mɔgɔ-wo-mɔgɔ ti n yakɔrɛ yen ka to a niyi la.”

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.

1 Yɔni 2:5

Ni min bi Allala kumɛ birala, mɔgɛ le wo la minna keninteyɛ ara kanbali Alla wara la. Ni min ko a tonɛ Alla rɔ tuma-wo-tuma, fɔ a ni ko ladan iko Yisa Kirasiti ya a ma nya min. Ma si a lɔn wo le fɛ ko ma ye Alla rɔ.

1 Yɔni 3:24

Min ba Allala tɔnnu bira, wo ye Alla le tɔ. Alla ye ale fanan tɔ. Nba, ma ya a lɔn kɛ le fɛ ko Alla ye male rɔ. Ma ya wo lɔn bawo a ara ata Ni-Sɛnimɛ di ma ma nun.

1 Yɔni 4:16

Male nyɛrɛ ya keninteyɛ wo lɔn min bi Alla bolo male ye, ado ma lanɛ keninteyɛ wo la gben! Alla le keninteyɛ la. Min tonɛ keninteyɛ rɔ, wo tigi ye Alla rɔ, Alla ye ale fanan tɔ.

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.