1 Yɔni 3:23 - ALLALA KUMƐ

²³ Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.

1 Yɔni 3:23 Iomraidhean Croise

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Matiyu 22:39

A fila nyɔgɛ min tugunnɛ wo la, wo le kɛ la ko, ‘I ni i sigi-nyɔgɛ keni iko i nyɛrɛ.’

Maraka 9:7

Banda-finyɛ burunta anu kun na. Kuman-kan bɔra banda-finyɛ wo rɔ. A ko, “N diyana-dan le kɛ la. Wo ni wo tole masɔ a la!”

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Yɔni 14:1

Yisa ya a fɔ ala karan-dannu ye ko, “Wo yisi kana tinya. Wo ni dɛnkɛninya Alla ma ka dɛnkɛninya nde fanan ma.

Yɔni 15:12

Nna sereya le kɛ la ko wo ni wo nyɔgɔn keni iko n bara wo keni nya min.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 2:23

Yisa ye Kanan-Ko-Ladiyɛ rɔ Yerusalɛm tumɛ min, mɔgɔ siyaman ya ala ko-makawanɛnu yen min kɛ, anu dɛnkɛninyara a ma.

Yɔni 3:18

Ni min bara dɛnkɛninya Allala dan ma, kiti sa wo ma. Kɔnɔ ni min ma dɛnkɛninya a ma, wola kiti ara ban tɛgɛla bawo a ma dɛnkɛninya Allala den-kei kelen pe ma.

Yɔni 6:29

Yisa ya anu yabi ko, “Alla ye a fɛ, wo ni wɔlɛ min kɛ, wo le ko wo ni la nde la, a ara min sɔ.”

Kɛwɔlɛnu 16:31

Anu ko, “Ni i dɛnkɛninyara Mari Yisa ma, i si kisi. A ye wo nya fanan le ila bonna-mɔgɛnu ye.”

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

1 Tɛsalonaika 4:9

Wo ni wo nyɔgɔn keni nya min, wo nyɛrɛ ara wo karan Alla bolo. Hali ma ma kɛdi sɛbɛ ka wo ta-nyɔgɛ dɛnkɛninya-mɔgɛnu keni-koe fɔ wo ye.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

1 Yɔni 2:7

N diyana-mɔgɛnu, n bi tɔn min sɛbɛla wo ma kɛ la, a kura ma. Tɔn-kɔrɔ-kɔrɔmɛ le wo la min bi wo bolo kebi fɔlɔfɔlɔ. Karan le wo la, wo ara min namɔɛn nun.

1 Yɔni 3:11

Wo ya karan min bara-koe namɔɛn kebi fɔlɔfɔlɔ, wo le kɛ la—ma ni ma nyɔgɔn keni wona.

1 Yɔni 4:15

Min si a lawasa a dɛ la ko Yisa, Allala dan le, Alla ye wo tigi rɔ, ado wo ye Alla rɔ.

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.

1 Yɔni 5:13

N bi kɛ sɛbɛla wo ma alako wo ni a lɔn ko habadan-nimayɛ ye wo bolo, wole min bara dɛnkɛninya Allala den Yisa ma, kɔni.