1 Yɔni 3:21 - ALLALA KUMƐ

²¹ Woletɔ n diyana-mɔgɛnu, ni ma sɔndɔmɛ ma a fɔ ma ye ko ma ya ko tinya, ma wa sɔ Alla yakɔrɔ wati min, ma yisi ti gbala.

1 Yɔni 3:21 Iomraidhean Croise

Yobu 22:26

Wo si a ma, i ni to lala Alla Sɛnbɛ-Bɛɛ-Tigi la. I si a lɔn worɔ ko ale le kelen pe si i lasewa.

Yobu 27:6

Ka a fɔ telenbagɛ le nde la, n ti fara wo fɔɛ la mumɛ! N yili latɛgɛni de wo ma feu!

Yaburi 101:2

N kɛ-nya si bɛn i ya la. I ye nala n bara muntuma? N bi sɔn-nyimayɛ rɔ nna bɔn la.

Romu 14:22

Wo lanɛ min na koe kɛnu tɔ, wo ni wo lamara wo nyɛrɛ anubɛ Alla tɛma. Ni mɔgɛ ya a lɔn ko a ye ko-latelennɛ le mala, ado a ma sika a nyɛrɛ rɔ, wo tigi sewanɛ le.

1 Kɔrɛnti 4:4

N sɔndɔmɛ gbɛnɛ feu! Kɔnɔ wo dɔrɔn ti a yira ko sɔn sa n na bawo Mari le n kitila.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Ɛfɛsa 3:12

Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Yɔni 2:7

N diyana-mɔgɛnu, n bi tɔn min sɛbɛla wo ma kɛ la, a kura ma. Tɔn-kɔrɔ-kɔrɔmɛ le wo la min bi wo bolo kebi fɔlɔfɔlɔ. Karan le wo la, wo ara min namɔɛn nun.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

1 Yɔni 3:20

Hali ma sɔndɔmɛ ya a fɔ ma ye ko ma ma ko-telenni kɛ, ma ya a lɔn ko Alla kolo ma sɔndɔmɛ ko, ado Alla ya koe bɛɛ lɔn.

1 Yɔni 4:17

Ma si a lɔn kɛ le fɛ ko ni Allata keninteya-kanbalinɛ ye male rɔ, ado ni ma sigi-bole duninya kɛ rɔ wonubɛ Kirasititɛ, kelen de, ma ti kilan kiti-tɛgɛ-lunyɛ ma.

1 Yɔni 5:14

Wo le ya a to, yisi-latɛgɛ ye ma bolo Alla yala ko ni ma ya a matara fenfenna ko la, ale sako ye min na, a si ma kan lamɔɛn,