1 Yɔni 3:2 - ALLALA KUMƐ

² N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

1 Yɔni 3:2 Iomraidhean Croise

Yobu 19:26

Hali n fɛrɛ ara ban n ma kirayɛ bolo, hali n fɛrɛ sa n na, fɔ n ba Alla yen serr!

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Matiyu 5:8

Mɔgɔ-sewanɛ le wo mɔgɛ la min sɔndɔmɛ gbɛnɛ bawo a si to Alla fɛ!

Luka 17:30

A si ma wo nya na le fanan nde, Hadama-dan wa bɔ gbɛ rɔ lunyɛ min.

Luka 20:36

Anu mani de iko melikanu. Anu ti faga. Allala dannu le wonu na bawo anu bara wuli ka bɔ sayɛ rɔ.

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Romu 8:16

Allata Niyi ye ma yisi rɔ alako a ni a yira ma la ko Allata dan le ma la.

Romu 8:18

N lanɛ a la ko ma ye tɔrɔyɛ min sɔrɔnna kaka, wo ti sanka gbiliyɛ wo ma min si na bɔ gbɛ rɔ ma ye.

Romu 8:19

A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

1 Kɔrɛnti 15:49

Min danta ka bɔ gbangban rɔ, wola muninyɛ ye male la nya min, ale min bɔra Arinyɛni tɔ, ma si muninya wo la wo nya na le fanan, Kirasiti, kɔni.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 4:6

Ka a yira ko Allata dan le male la, Alla ya ala danta Ni-Sɛnimɛ sɔ ko a ni sigi ma yisi rɔ. A ye a lagbɛla ma ye ko Alla le ma fa la.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

Kɔlɔsi 3:4

Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

2 Pita 1:4

Woletɔ a ya lanyiri-kinama-wɛ anubɛ lanyiri-kɛndɛ-kɛndɛnu kiri ma ye. Ka a tɛgɛ kɔ-fan kɛnu ma, ma ni ata kɛ-nya fanan sɔrɔn. Wo kɔma, ma si na kisi duninya-natanu ma minnu bi mɔgɛnu tinyana.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Yɔni 2:7

N diyana-mɔgɛnu, n bi tɔn min sɛbɛla wo ma kɛ la, a kura ma. Tɔn-kɔrɔ-kɔrɔmɛ le wo la min bi wo bolo kebi fɔlɔfɔlɔ. Karan le wo la, wo ara min namɔɛn nun.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 3:21

Woletɔ n diyana-mɔgɛnu, ni ma sɔndɔmɛ ma a fɔ ma ye ko ma ya ko tinya, ma wa sɔ Alla yakɔrɔ wati min, ma yisi ti gbala.

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

Lankɛnimayɛ 2:28

N si banda-ka-da-lole fanan di anu ma ka a yira anu na ko anu bara nɔlɛ kɛ.

Lankɛnimayɛ 22:4

Anu si a yakɔrɛ yen. A tɔgɔ sɛbɛnɛ si taran anu telɛnu ma.