1 Yɔni 3:15 - ALLALA KUMƐ

¹⁵ Ni min na-kelen-nyɔgɛ gboyara a ye, mɔgɔ-fagalɛ le wo tigi la, ado habadan-nimaya sa mɔgɔ-fagalɛ bolo iko wo ya a lɔn nya min.

1 Yɔni 3:15 Iomraidhean Croise

Ko-Dabirɛnu 27:41

Isɔ ya Yakobala koninteyɛ sigi a burɔ ka a tɛgɛ duwɛ wola ko ma a fa ya min kɛ a dɔgɛ ye. Isɔ ya a miri a ma a yisi rɔ ka a fɔ mɔgɛnu ya la ko, “N fa sa mɛla sayɛ la tun. Ni n fa sara, fɔ n ba n dɔgɛ kɛ faga.”

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

Maraka 6:19

Ala musi Hɛrodiyasi diminyanɛ Yɔni ma nun. A faga-sɔgɛ ya a bira kɔnɔ a ma ke a fagala Mansa Hɛrodila ko la.

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

Kɛwɔlɛnu 23:14

Donu tara saraka-masɔla-kunyɛnu anubɛ anuna kun-tiginu bara. Anu ko, “Ma dama ara ma dato ko ni ma ma Pɔli faga, ma ti fen dɔn.

Tɔn-Fɔɛ-Fila-Nyɔgɛ 19:11

“Kɔnɔ ni mɔgɛ do ya a ta-nyɔgɛ faga sɔgɔ-labɔɛ ma, mɔgɔ-fagalɛ wo ni a buri ka ta mɔgɔ-lakisi-soe wo do rɔ,

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.

1 Yɔni 2:9

Ni min ko a ye waan rɔ kɔnɔ hali wo, gboyanayɛ ye anubɛ a na-kelen-nyɔgɛ do tɛma, wo tigi ye pinpi le tɔ ha kaka.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”