1 Yɔni 3:12 - ALLALA KUMƐ

¹² Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

1 Yɔni 3:12 Iomraidhean Croise

Ko-Dabirɛnu 4:25

Hadama anubɛ ala musi ya den-kei do sɔrɔn tun. Ala musi ya wo tɔgɔ sa Sɛti bawo tɔgɛ wo kɔrɛ le iko mɔgɔ wa a fɔ ko, “ka a di.” A ya a fɔ ko, “Alla ara den-kei do di n ma Ebɛli gbɛ rɔ tun, Ken ya min faga, kɔni.”

2 Samuwɛli 13:22

Aminɔ sɔgɔ labɔra Abasalɔm na lass, bawo a ara ko-yogoma-su wo ma a tirisan-musi la. A ma sɔn a da sɔla a ma.

Yaburi 37:12

Karagbɛlɛnu si mɔgɔ-nyimɛnu yanfa. Anu si to anu wunu-wununa gboyanayɛ bolo.

Yaburi 38:20

Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Hɛnkilimaya-Kumɛnu 27:4

Yisi-bɔɛ si ko-yogoma-siyaman ma ka fen-siyaman tinya kɔnɔ kei-keli tenbira wo la.

Hɛnkilimaya-Kumɛnu 29:10

Mɔgɔ-latelennɛ ma di gbalo-salɛnu ye kɔnɔ mɔgɔ-latelennɛnu si wonu niyi lakisi.

Hɛnkilimaya-Kumɛnu 29:27

Mɔgɔ-radunɛ ma di telenbagɛ ye, ado mɔgɔ-latelennɛ ma di mɔgɔ-radunɛ fanan ye.

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 13:38

Sɛnɛ wo kɔrɛ le duninya kɛ la. Sugu-nyimɛ wo kɔrɛ le mɔgɛ minnu bi Allata mansayɛ rɔ. Bin-kole, wo kɔrɛ le Setanɛta mɔgɛnu na.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Matiyu 27:23

Kɔnɔ Pailɛti ya anu manyinika ko, “A ya ko-yogomɛ nyamintan kɛ?” Anu sɔnkɔra ha ka a dan natenbi ko, “A gbangban kɔlɔma ma!”

Matiyu 5:37

Ni i ko, ‘Ɔn,’ a ni ma ɔn la. Ni i ko, ‘Ade,’ a ni ma ade la. I wa min fɔ wo kɔma, wo bɔnɛ Setanɛ bolo.

Luka 11:51

Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Yɔni 10:32

Yisa ya a fɔ anu ye ko, “N Fa ya n sɔ ka kɛwɔli-nyimɛ siyaman kɛ wo ye. Wo ya wonu yen serr! Kɛwɔli-nyimɛ kɛ bɛɛsi rɔ, wo ye nyinina n mabonna nyamintanna ko la?”

Yɔni 8:40

N bi tonyɛ fɔla wo ye tolon, iko n ya a lamɔɛn Alla bolo nya min. Kɔnɔ hali wo, wo ye wo rayala n faga-koe ma, ado Iburayima ma ko-su wo ladan nun.

Yɔni 8:41

Ade! Wo fa-bɛrɛ ya min ma, wo ye wo le ma tinɛ tun.” Anu ya a sɔsɔ ko, “Male ma sɔrɔn yɛlɛnyɛ rɔ. Fa kelen de ma bolo, Alla nyɛrɛ, kɔni.”

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

1 Tɛsalonaika 2:14

Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

1 Pita 4:4

Nba, kaka Alla-batobɛlɛnu bara kawa bawo wo sa kofula anu ma tun kisimiriya-sufa wonu tɔ. Woletɔ anu bi wo lafɛyala.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!