1 Yɔni 2:4 - ALLALA KUMƐ

⁴ Kɔnɔ ni mɔgɛ do ko a ya Alla lɔn kɔnɔ a sa ata tɔn birala, foninya-fɔlɛ le mɔgɛ wo la. Tonya sa a bolo.

1 Yɔni 2:4 Iomraidhean Croise

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Taita 1:10

Ado nfan, mɔgɔ-siyaman bi sɔsɔli kɛla alako anu ni mɔgɔ-gbɛrɛnu yanfa anuna kuma-fuyinu fɛ. Anu siyaman bi Yahudiyanuna dina rɔ nun.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

1 Yɔni 1:10

Ni ma ko ma ma hakɛ kɛ, ma ara Alla ma foninya-fɔlɛ la, ado ni wo le, Allala kumɛ sa ma yisi rɔ worɔ.

1 Yɔni 1:6

Ni ma ko ma ye ta-nyɔgɔnyɛ kɛla a fɛ kɔnɔ ma ye tagamana pinpi rɔ, ma ye foninyɛ fɔla worɔ,

1 Yɔni 1:8

Ni ma ko ma ma hakɛ kɛ, ma ye ma nyɛrɛ yanfala. Tonya sa ma yisi rɔ hali!

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 2:9

Ni min ko a ye waan rɔ kɔnɔ hali wo, gboyanayɛ ye anubɛ a na-kelen-nyɔgɛ do tɛma, wo tigi ye pinpi le tɔ ha kaka.

1 Yɔni 3:6

Minnubɛ Kirasiti ye kan kelen tɔ, wonu ti to hakɛ kɛla. Kɔnɔ minnu bi tola hakɛ kɛla, wonu ma Kirasitila ko nya-yen hali, ado anu ma a lɔn defan!

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?

1 Yɔni 4:7

N diyana-mɔgɛnu, ma ni ma nyɔgɔn keni bawo keninteyɛ bɔnɛ Alla le bolo. Keninteyɛ ye min bolo, Allala dan le wo tigi la. A ya Alla lɔn.