1 Yɔni 2:3 - ALLALA KUMƐ

³ Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 2:3 Iomraidhean Croise

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Yaburi 119:6

Ni n hɛnkili tora ila tɔnnu ko, n ti yarabi.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Luka 6:46

“Nfenna wo ye a fɔla ko wota Mari le nde la kɔnɔ wo sa nna kumɛ birala?

Yɔni 14:15

“Ni nde di wo ye, wo si nna kumɛnu bira.

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 15:14

Ni wo ya nna kumɛ bira, n diyana-mɔgɛnu de wole la.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

1 Yɔni 2:13

N fanu, n bi do sɛbɛla wo ma bawo wo ya Alla lɔn min bi nyɔ kebi fɔlɔfɔlɔ. Fonikenu, n bi do sɛbɛla wo ma bawo wo ara Setanɛ nɔ.

1 Yɔni 3:14

Ma ya a lɔn ko ma ara bɔ sayɛ rɔ ka don nimayɛ rɔ bawo ma ara ma na-kelen-nyɔgɛnu keni. Ni keninteyɛ sa minnu tɔ, wonu bi saya-sɛnbɛ kɔrɔ ha kaka.

1 Yɔni 3:19

Wo le si a ma, ma si a lɔn ko ma ye tonyɛ rɔ, ado ma yisi-latɛgɛnɛ si taran Alla yakɔrɔ fanan.

1 Yɔni 3:6

Minnubɛ Kirasiti ye kan kelen tɔ, wonu ti to hakɛ kɛla. Kɔnɔ minnu bi tola hakɛ kɛla, wonu ma Kirasitila ko nya-yen hali, ado anu ma a lɔn defan!

1 Yɔni 4:13

A ara a Niyi di ma ma min kɛ, ma ya a lɔn ko male ye Alla rɔ, Alla ye male rɔ.

1 Yɔni 4:7

N diyana-mɔgɛnu, ma ni ma nyɔgɔn keni bawo keninteyɛ bɔnɛ Alla le bolo. Keninteyɛ ye min bolo, Allala dan le wo tigi la. A ya Alla lɔn.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

1 Yɔni 5:2

Ma ya a lɔn ko ma ara Allala dan keni kɛ le fɛ bawo ma ye Alla kenina ka ata tɔnnu bira.

1 Yɔni 5:3

Ka Alla keni, wo le ko ma ni ala tɔnnu bira, ado ala tɔn-bira-koe ma gbɛlɛ ma kuma

Lankɛnimayɛ 12:17

Ninkinankɛ diminyara musi wo ma kati! Musi wo bɔnsɔn-toe min ya Allata tɔnnu bira ka Yisala tonyɛ yira, ninkinankɛ wo tara wo bɛɛ kɛlɛ tinɛ.

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.