1 Yɔni 2:21 - ALLALA KUMƐ

²¹ Ka a fɔ ko n bi kɛdi sɛbɛla wo ma bawo wo ma tonyɛ lɔn, wo ma de! N bi wo mala le bawo wo ya tonyɛ lɔn, ado wo ya a lɔn fanan ko foninyɛ ti bɔ tonyɛ rɔ muk!

1 Yɔni 2:21 Iomraidhean Croise

Hɛnkilimaya-Kumɛnu 1:5

Wole hɛnkilimɛnu, wo ni wo tole masɔ. Kumɛ kɛnu si do kofu wo hɛnkilinu ma. A si kilɛ yira mɔgɔ-karannɛnu na.

Yɔni 18:37

Pailɛti ya a manyinika worɔ ko, “Nba, mansɛ le ile la worɔ, wa?” Yisa ya a yabi ko, “I wara tonyɛ le fɔ ko mansɛ le nde la. N nara duninya kɛ rɔ ko-kelen-pela ko la alako ka Allala tonyɛ fɔ mɔgɛnu ye. Min bɛɛ ye nyinina tonyɛ ma, wonu si anu tole masɔ n na.”

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

2 Pita 1:12

Hali wo ya koe wonu lɔn kɔrɔma la, n si to wo hɛnkili labilala wonu ma tuma-wo-tuma. Wo ara tonyɛ minnu sɔrɔn, hali wo sabatinɛ wonu tɔ, n ti bandan wo lalɔnna tonyɛ wonu ma.

1 Yɔni 3:19

Wo le si a ma, ma si a lɔn ko ma ye tonyɛ rɔ, ado ma yisi-latɛgɛnɛ si taran Alla yakɔrɔ fanan.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.