1 Yɔni 2:20 - ALLALA KUMƐ

²⁰ Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:20 Iomraidhean Croise

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 23:5

Ale le ye n nadiyala n yoge bɛɛ ya la. A ye n mala sundan-gbiliyanɛ la ka to n nafala tolon!

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 71:22

N si sɔrɔn fɔ i matɔgɔ tinɛ. Nta Alla, n si i tanto ita lanayɛla ko la. Ile min sɛnima Isirɛla nyamanɛ mumɛ rɔ, n si nna sɔrɔn fɔ ka bɛtinu bɔ i ye.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Hɛnkilimaya-Kumɛnu 28:5

Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Saraka-Masɔlɛnuta Tɔnnu 7:35

“A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

1 Kɔrɛnti 2:15

Ata Ni-Sɛnimɛ ye min bolo, wo si ke ka koe bɛɛ lakɔrɔsi kɔnɔ a sa min bolo, wo ti ke hali ale Ni-Sɛnima-tigi wo lakɔrɔsila.

Hiburunu 1:9

Ko-latelennɛ di i ye. Ko-radunɛ gbo i ye. Woletɔ nde ita Alla ya ile yabɔ. N bara i lasewa i ta-nyɔgɔ-mansɛ-bɛɛ ko.”

Hiburunu 8:11

Ado nfan, hali anu ma anu sigi-nyɔgɛnu karan nde, Mari wara-koe ma. Anu fenfen ti a fɔ anu kebila-nyɔgɛ ye ko a ni na Mari lɔn bawo anu dama si a wara-koe lɔn tɛrr! Ka a dabira a dɔgɔmɛnu ma ha ka a sigi a kinamɛnu ma, bɛɛ si nde, Mari lɔn a kila-bɛrɛbɛrɛ fɛ.”

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

1 Yɔni 4:13

A ara a Niyi di ma ma min kɛ, ma ya a lɔn ko male ye Alla rɔ, Alla ye male rɔ.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”