1 Yɔni 1:9 - ALLALA KUMƐ

⁹ Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

1 Yɔni 1:9 Iomraidhean Croise

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

Nihɛmaya 1:6

I yandi, n mafɛlɛn i kolan la ka i wɔlɔ matɔlɔ nna matarali-kan la. N bi mataralɛ kɛla Isirɛla mɔgɛnu ye su-ni-tele. N bara n sɔ a la ko mabɛ Isirɛla mɔgɛnu bara hakɛ kɛ. Min sanɛ wo kuma, wo le n fata kebilɛtɛ la.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 33:8

A ko anu bara hakɛ min kɛ ale Mari la, a si anu sɛninya hakɛ wo ma. A si anu makoto anuna murutiyɛla ko la.

Nimisa Koe 3:23

Anu kurɛ le sɔgɔma-wo-sɔgɔma. Ala telenbagayɛ kolo.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 37:23

Anu ti anu nyɛrɛ latinya kisimiriya-bɛsɛ wonu fɛ. Anu ti bila hakɛ rɔ. Anu duruta hakɛ subolo-siyamɛ min bɛɛ kɛla, n si anu bɔ wonu tɔ. N si anu sɛninya alako anu ni ma nta mɔgɛnu na. Nde fanan ni ma anuta Alla la.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 3:6

Anu ya anu sɔ anu hakɛnu na tumɛ min, a ya anu batasi Yorodan bɛ rɔ.

Maraka 1:5

Mɔgɛ min bɛɛ ye Yudiya nyamanɛ rɔ anubɛ Yerusalɛm soe burɔ, wonu tara anu tole masɔ Yɔnila kumɛ la. Anu ban anu sɔla anuna hakɛnu na nkɛkuna, a ya anu batasi Yorodan bɛ rɔ.

Luka 22:57

Kɔnɔ Pita ya a masɔsɔ. A ko, “N ma a lɔn ni!”

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Kɛwɔlɛnu 19:18

Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Romu 3:26

kɔnɔ kaka, a ye mɔgɛnuna hakɛ makotola alako ata telenbagayɛ ni bɔ gbɛ rɔ, ado minnu bara dɛnkɛninya Yisa ma, a ara wo bɛɛ latelen.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 11:11

Hali Iburayima kɔrɔyanɛ, ado ala musi Sira, gbandɛ le kɔnɔ anu ya dan sɔrɔn dɛnkɛninyɛ le fɛ. A lara Alla la ko a si ala lanyiri dafa gben!

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.