1 Yɔni 1:6 - ALLALA KUMƐ

⁶ Ni ma ko ma ye ta-nyɔgɔnyɛ kɛla a fɛ kɔnɔ ma ye tagamana pinpi rɔ, ma ye foninyɛ fɔla worɔ,

1 Yɔni 1:6 Iomraidhean Croise

Yaburi 82:5

Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Yaburi 94:20

Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Hɛnkilimaya-Kumɛnu 2:13

Mɔgɛ le wonu na minnu bara telenbagayɛ boloka ka bila pinpita kilɛ fɛ.

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Yɔni 11:10

Kɔnɔ ni a tagamanta suyi rɔ, a si a kian latugu bawo waan sa a bolo.”

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Yɔni 12:46

N nara duninya rɔ iko waan. Min ba dɛnkɛninya n ma, wo tigi ti to pinpi rɔ.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Yemesi 2:14

N na-kelen-nyɔgɛnu kana a fɔ ko, “Dɛnkɛninyɛ ye n bolo,” ni ila kɛwɔlɛnu ma a yira. Wo si nfen nyinya i ma? Ita dɛnkɛninyɛ wo si ke i kisila worɔ, wa?

Yemesi 2:16

Ni wo ya a fɔ wonu ma ko, “Allata duwɛ ni to wo kuma bɛrɛkɛ! Alamɛ kimɛ ma wo bira. Alamɛ wo ya dɔn-fan sɔrɔn ka fa gben!” Kɔnɔ wo ma anu makoe nyinya, wo si nfen nyinya anu ma? Wola duwɛ bɛɛ fu!

Yemesi 2:18

Tumado, mɔgɛ do si a fɔ ko, “Dɛnkɛninyɛ ye ile bolo kɔnɔ kɛwɔlɛnu bi nde bolo.” N si a yabi ko, “I si ila dɛnkɛninyɛ mayira nya min, ni kɛwɔlɛnu sa a fɛ, wo yira n na. N si nta dɛnkɛninyɛ yira i la nta kɛwɔlɛnu fɛ.”

1 Yɔni 1:10

Ni ma ko ma ma hakɛ kɛ, ma ara Alla ma foninya-fɔlɛ la, ado ni wo le, Allala kumɛ sa ma yisi rɔ worɔ.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

1 Yɔni 1:8

Ni ma ko ma ma hakɛ kɛ, ma ye ma nyɛrɛ yanfala. Tonya sa ma yisi rɔ hali!

1 Yɔni 2:4

Kɔnɔ ni mɔgɛ do ko a ya Alla lɔn kɔnɔ a sa ata tɔn birala, foninya-fɔlɛ le mɔgɛ wo la. Tonya sa a bolo.

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?