1 Yɔni 1:3 - ALLALA KUMƐ

³ Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

1 Yɔni 1:3 Iomraidhean Croise

Yobu 13:1

Kuma-kura ma kɛnu na n ye. N bara kɛ damasi lamɔɛn nun.

Yaburi 2:7

Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yilan-Yilan Koe 10:32

Ni ile sɔnta ka bila male fɛ, Mari ye duwɛ min bɛɛ yigila ma kuma, ma si a ma, ile fanan ni wo do sɔrɔn.”

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 19:35

Kɛ bɛɛ mara nun alako min sɛbɛnɛ Allata kitabu rɔ, wo ni bɔ-a-la ko, “Hali a kolo kelen ra ti rakeri.” A sɛbɛnɛ fanan ko, “Anu ya ale min sɔgɔ, mɔgɛnu si wo mafɛlɛn.” (Kɛ bɛɛ mara min ya la, wo le ya wo bɛɛ rakaran. A ya min fɔ, wo bɛɛ tonyɛ le. A ya tonyɛ kɛ bɛɛ rakaran alako wo fanan ni dɛnkɛninya.)

Kɛwɔlɛnu 13:32

“Ma ara na kibara-nyimɛ wo la wo ye. Alla ya lanyiri min kiri ma benbanu ye,

Kɛwɔlɛnu 13:41

‘Wole minnu bi nde, Alla mayɛlɛnna, wo si ko-makawanɛ yen ka faga don! N bi nala min mala wota wati kɛ rɔ, hali wo wa a lamɔɛn, wo ti la a la.’ ”

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”

Romu 15:27

Anu denu denu ya wo latɛgɛ, ado a bɛnnɛ anu ni bolo-kolɔn wonu dɛnbɛ. Nyɔ-Yahudiyanu bara duwɛ donu sɔrɔn sibolo-gbɛrɛnu na min kɛ, woletɔ a bɛnnɛ sibolo-gbɛrɛnu ni Yahudiyanu makoe nyinya anu nyɛrɛ bolo-fannu tɔ.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Filipai 1:7

Wo ye n yisi le tɔ wati bɛɛ! Woletɔ a bɛnnɛ ka n miri wo ma wo nya le. Alla ara hɛrɛ min di n ma kɛ, wo ara wotɛ sɔrɔn n fɛ wo bɛɛ rɔ. N bi yele la wo, n hɔrɔyanɛ tumɛ min wo, ma nɔrɔta kibara-nyima-fɔɛ ma ka a lasabati bɛrɛkɛ ma fɛ.

Filipai 2:1

Ka a fɔ ko Kirasiti siginɛ wo yisi rɔ, kumɛ wo ti wo sɛnbɛ don, ba? Ala keninteyɛ ti wo yisi-kimɛ, wa? Wo ye ta-nyɔgɔnyɛ kɛla ata Ni-Sɛnimɛ baraka rɔ, a sa wo nya? Wo sa kinikinɛ anubɛ nyɔgɔn-keni kɛla, wa?

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

Hiburunu 2:12

A ya a fɔ Alla ye ko, “E, Alla, nna mɔgɛnu ba anu nadɛn i bato tinɛ tumɛ min, n si ila koe fɔ anu ye ka i tanto-bɛtinu bɔ.”

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

1 Pita 5:1

Wole chɔchi-mɔgɔ-banu, n bi kɛ sɛbɛla ka wo kɔntɔ-diya. Chɔchi-mɔgɔ-ba le nde fanan na, ado Kirasiti ara tɔrɔyɛ minnu sɔrɔn, wo sereyɛ le nde la. Nde fanan si bɛn gbiliyɛ wo rɔ min si na bɔ gbɛ ma.

2 Pita 1:16

Ma ya wo lalɔn ma Mari Yisa, Allata-Mɔgɔ-Yabɔnɛta sɛnbɛ anubɛ ala nɛ la tumɛ min, ma ma bila mɔgɛnuna halliya-kumɛ fɛ. Ma ya ala gbiliya-wɛ yen ma nyɛrɛ yɛ la!

1 Yɔni 1:1

Ma ye kɛdi kɛ sɛbɛla wo ma ka a tɛgɛ wo “Kumɛ” ma min si nimayɛ di mɔgɛnu ma. “Kumɛ” wo ye nyɔ kebi duninya dabirɛ. Ma ara a lamɔɛn nun, ma ara a yen ma yɛ la, ado ma ara a mafɛlɛn ka ma bole maga a la.

1 Yɔni 1:5

Nba, ma ara sarakanɛ min namɔɛn Allala dan la ka a lake wo ma, wo le kɛ la. A ko Alla, waan le. Pinpi sa a rɔ hali!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.