1 Kɔrɛnti 8:1 - ALLALA KUMƐ

¹ Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

1 Kɔrɛnti 8:1 Iomraidhean Croise

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ

Kɛwɔlɛnu 15:10

Nfenna worɔ, wo ye a fɛ ka Alla ladiminya ka dunɛ sa dɛnkɛninya-mɔgɛ kɛnu kuma? Ado nfan, mabɛ ma benbanu ma ke dunɛ wo dununa.

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Kɛwɔlɛnu 21:25

Ma ara kɛdi lata Marita mɔgɛnu ma minnu dɛnkɛninyara ka bɔ sibolo-gbɛrɛnu tɛma ko anu kana fenfen dɔn min bara di bɛsɛnu ma nun. Ma ko anu kana sogo-yifanɛ dɔn bawo a yele ye a rɔ. Ma ko anu ni anu nyɛrɛ matanka yɛlɛnya-su bɛɛ ma.”

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 14:10

Ile min bi i dɛnkɛninya-nyɔgɛ rasɛla, i ye wo mala nfenna? I ye i dɛnkɛninya-nyɔgɛ lafɛyala nfenna? Kiti-tɛgɛ-lunyɛ, ma dama si sɔ Alla yakɔrɔ,

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

Romu 14:22

Wo lanɛ min na koe kɛnu tɔ, wo ni wo lamara wo nyɛrɛ anubɛ Alla tɛma. Ni mɔgɛ ya a lɔn ko a ye ko-latelennɛ le mala, ado a ma sika a nyɛrɛ rɔ, wo tigi sewanɛ le.

Romu 14:3

Mɔgɛ min da-tanɛ sa, wo kana mɔgɛ doi wo lafɛya. Min bi sɛnita-fannu gbansan dɔnna, wo kana doi rasɛ min bi fan bɛɛ dɔnna bawo Alla ara anu filɛ bɛɛ rabira.

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

1 Kɔrɛnti 1:5

Yisa Kirasiti ya a ma, wo ara ma-a-la ko-nyimɛ-bɛɛ rɔ, ado a ya sɛnbɛ di wo ma ka ata kumɛ lake. A ya lɔnnɛ fanan di wo ma a wara-koe rɔ.

1 Kɔrɛnti 10:15

N bi kumala wole ye iko mɔgɔ si kuma hɛnkilimɛnu ye nya min. N bi min fɔ tinɛ, wole nyɛrɛ ni wo kɔrɔbɔ ni tonyɛ le, ka, ni tonya ma.

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

1 Kɔrɛnti 4:10

Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

1 Kɔrɛnti 4:18

Wo donu bara wasi bawo wo ye wo mirila ko n sa nala kela wo ma.

1 Kɔrɛnti 4:6

N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

1 Kɔrɛnti 8:2

Minnu miri ko anu hɛnkili waranɛ, wonu ma fenfen lɔn iko a bɛnta, anu ni a lɔn nya min.

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

1 Kɔrɛnti 8:7

Kɔnɔ dɛnkɛninya-mɔgɛ bɛɛ ma kɛ lɔn. Mɔgɛ donu durunɛ bɛsɛ kɛnu na ko ha bi, fen de wo la niyi ye min tɔ, woletɔ anu sɔndɔmɛ rafaganɛ Alla wara-koe rɔ. Bɛsɛnu si kɔ soge minnu na, anu ba wonu dɔn tumɛ min, anu sɔndɔmɛ ti gbɛ soge wonu dɔn tinɛ.

Ɛfɛsa 4:16

Ma bagbuyi bɛɛ latugunnɛ anu nyɔgɔn na iko a bɛnta, a ni ma nya min ale bolo. A sɔlɔmɔnya kelen-kelennamɛ-bɛɛ ye wɔlila iko a bɛnnɛ a ni wɔli nya min. Woletɔ a ye koloyala le ka a nyɛrɛ lasabati keninteyɛ rɔ.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.