1 Kɔrɛnti 7:10 - ALLALA KUMƐ

¹⁰ Nba, wole furu-nyɔgɔn filɛ, n bi kɛ fɔla wole le ye kɔnɔ nta tɔn ma kɛ la, Maritɛ le. Wole musinu kana wola keinu boloka.

1 Kɔrɛnti 7:10 Iomraidhean Croise

Yɛrɛmaya 3:20

Kɔnɔ Mari ko wole, Isirɛla mɔgɛnu mani de a ye iko musi min tadunɛ ala kei ma.

Matiyu 5:32

Kɔnɔ kaka, n bi a fɔla wo ye, ni mɔgɛ ya ala musi boloka, ni musi wo ma yɛlɛnyɛ kɛ, a ara musi wo sɔ yɛlɛnyɛ la wo rɔ, ado ni kei-gbɛrɛ ya a furu, wo fanan bara yɛlɛnyɛ kɛ.

Maraka 10:2

Farisi donu nara a wara ka anu taya a bira-koe ma. Anu ya a manyinika ko, “A fɔ ma ye wa, mala tɔn si sɔn ko kei ni a ban ala musi la?”

Luka 16:18

“Kei min ba ala musi boloka ka dogbɛrɛ furu, wo ara yɛlɛnyɛ kɛ, ado kei min ba musu-bolokanɛ wo furu, wo fanan bara yɛlɛnyɛ kɛ.

1 Kɔrɛnti 7:11

Kɔnɔ ni min ya ala kei boloka, a kelan ni to worɔ. A kana ta kei-gbɛrɛkɛ wara. Ni a ma sɔn wo ma, a ni sɛgi ala kei fɔlɔtɛ ma. Kei fanan kana ala musi boloka mumɛ!

1 Kɔrɛnti 7:12

Wole a mɔgɔ-toenu wo, n bi a fɔla wo ye ko ni musu-dɛnkɛninyabɛlɛ ye kei-dɛnkɛninyanɛ bolo, ado musi wo ara sɔn a ye, a kana musi wo boloka. (Nde nyɛrɛ le ye kɛ fɔla, Mari ma de!)

1 Kɔrɛnti 7:15

Ile dɛnkɛninya-musi, tumado, ila misali-nyimɛ si a ma, ila kei ni dɛnkɛninya. Ile dɛnkɛninya-kei, tumado, ila misali-nyimɛ si a ma, ila musi ni dɛnkɛninya. Hali wo, ni a sɔgɛ ya dɛnkɛninyabɛlɛ bira ka dɛnkɛninya-mɔgɛ wo boloka, nba, tana ma. Dɛnkɛninya-mɔgɛ, a keima wo, a musuma wo, anu filɛ fenfen kirini ma bawo Alla ya wo kele yisi-kimɛ le ma.

1 Kɔrɛnti 7:25

Nba, kemini-pose, anubɛ sunkurun-posenu, a bɛnta, wole si min ma, Alla ma wo fɔ n ye kɔnɔ n si nta miriya fɔ wo ye, ado Marita kinikini-wɛ ara a ma, n ba kumɛ min fɔ, mɔgɛnu si ke lala wo la.

1 Kɔrɛnti 7:40

Hali wo, ndeta miriya rɔ, musi wo si sewa ni a ma sigi kei wara tun, ado n lanɛ a la ko Allala Ni-Sɛnimɛ le ye n nabilala kɛ la.

1 Kɔrɛnti 7:6

Kɔnɔ n bara min fɔ kɛ la, tɔn ma. N ya a fɔ wo dɛnbɛn-koe le la dɔrɔn.