1 Kɔrɛnti 5:6 - ALLALA KUMƐ

⁶ Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

1 Kɔrɛnti 5:6 Iomraidhean Croise

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Matiyu 13:33

Yisa ya tili-dogbɛrɛ tɛgɛ anu ye, a ko, “Alla min bi Arinyɛni tɔ, ata mansayɛ mani de iko biredi-yɛlɛ-fan. Musi ya doni bi ka a basan dɛgɛ-munke ku-musu kelen na ha a bɛɛ yɛlɛta.”

Luka 13:21

A mani de iko biredi-yɛlɛ-fan. Musi do ya doni bi ka a basan dɛgɛ-munke ku-musu kelen na ha a bɛɛ yɛlɛta.”

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

1 Kɔrɛnti 3:21

Woletɔ mɔgɔ-wo-mɔgɔ kana a nyɛrɛ wasi ko a ye kun-tigi do le fɛ bawo wotɛ le fan damasi la.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

Kalesiya 5:9

Iko anu bi a fɔla nya min, “Biredi-yɛlɛ-fan doni si a ma, biredi wo bɛɛ ni yɛlɛ.”

2 Timoti 2:17

Anu bi mɔgɛnu karanna min na, wo manɛ iko tɛlɛ-wɛ min bi mɔgɔ fɛrɛ dɔnna tala. Haimɛneyasi anubɛ Failita ye karan-mɔgɔ wonu tɛma.

Yemesi 4:16

Kɔnɔ kaka, wo wasinɛ. Wo ye wo nyɛrɛ matɔgɔla, ado nyɛrɛ-matɔgɔ-su wo yogo.