1 Kɔrɛnti 5:12 - ALLALA KUMƐ

^12-13 Ka mɔgɔ-gbɛrɛnu kiti, nta wɔli ma wo la! Alla le si wonu kiti. Ka kiti tɛgɛ wo nyɔgɔn tɛma chɔchi burɔ, wota wɔlɛ le wo la. Iko a sɛbɛnɛ Allala kitabu rɔ nya min ko, “Wo ni ko-yogoma-kɛlɛnu nabɔ wo tɛma.”

1 Kɔrɛnti 5:12 Iomraidhean Croise

Maraka 4:11

Yisa ya a fɔ anu ye ko, “Allala mansayɛ gbundu-ko-hɛnkilimayɛ dira wole ma. Kɔnɔ n si a fɔ doinu ye tilinu tɔ.

Luka 12:14

Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?”

Yɔni 18:36

Yisa ko, “Nta mansayɛ sa duninya kɛ rɔ. Ni a ye duninya kɛ rɔ nun, nna mɔgɛnu si kɛlɛ kɛ n ye. Anu ti sɔn n don-koe la Yahudiya mɔgɔ-banu bolo. Nna mansayɛ sa yan tɔ mumɛ!”

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.

1 Timoti 3:7

A ni ma mɔgɛ la min gbiliyanɛ hali dɛnkɛninyabɛlɛnu bolo alako mɔgɔ kana a lafɛya min si a ma, a ni bui Setanɛta gbonse kɔrɔ.