1 Kɔrɛnti 4:8 - ALLALA KUMƐ

⁸ Wole miri ko wo makoe ye fan min bɛɛ la, wo ara ban wonu sɔrɔnna? Wo ara ban mala nɔnfulu-tiginu na, wa? Ma sa wo dafɛ tumɛ min, wo ara wo nyɛrɛ ma iko mansɛnu. Kɔnɔ alamɛ wo mara mansɛnu na nun alako male fanan ni mansayɛ kɛ wo fɛ,

1 Kɔrɛnti 4:8 Iomraidhean Croise

Hɛnkilimaya-Kumɛnu 13:7

Mɔgɛ donu bi anu nyɛrɛ mala iko fen bi anu bolo kɔnɔ i si na a taran gbɛ, anu bolo-kolɔn gbɛ perr! Mɔgɛ donu bi anu nyɛrɛ mala bolo-kolɔn la kɔnɔ yaga, fen bi anu bolo duk!

Hɛnkilimaya-Kumɛnu 25:14

Mɔgɛ min si mɔgɔ yili-madiya fen-ni-koe rɔ, ado a ti a ni, wo mani de iko bandɛ wa fin, fɔnyɔ ni sigi a kɔrɔ, a ni foo.

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Yɛrɛmaya 28:6

N ko, “Sobore! Alamɛ Mari ya wo ma. Alamɛ ila wɔlɔyiya-kumɛ mara tonyɛ la. Alamɛ Mari sɛgira Bato-Bon-miran bɛɛ la anu gbɛ rɔ tun. Alamɛ a sɛgira mɔgɔ-birani-kɔrɛnu na anu barɛnu tɔ.

Yilan-Yilan Koe 11:29

Musa ya a fɔ Yasowa ye ko, “Ile le ye nna keliyɛ kɛla n ye, wa? Nba, a si diya nde nyɛrɛ ye ni Isirɛla mɔgɛ bɛɛ si Marita Sɛnbɛ kɛ sɔrɔn. A si diya nde ye gbuyɛ, ni bɛɛ si bɛti bɔ ka Mari wɔlɔbɔ!”

Matiyu 5:1

Yisa ya nyama yen min kɛ, a yɛlɛta kɔnkɛ kuma anu yarɔ ka a mayigi. Ala karan-dannu yɛlɛta a fɛ nyɔ.

Luka 6:25

Wole minnu buyi lafanɛ, gbalo ye wo kuma bawo kɔnkɛ si wo bira! Wole minnu bi yɛlɛnna kaka, gbalo ye wo kuma bawo wo si mɔni ka di!

Kɛwɔlɛnu 26:29

Pɔli ya a yabi ko, “Ni a mara wati-kundu-nɛ la wo, ni a mɛra wo, n bi Alla matarala ko wobɛ min bɛɛ wɔlɔ matɔlɔnɛ n na bi, wo ni ma iko nde ye nya min kɔnɔ anu kana yɔlɔkɛ kɛ wo ma!”

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

1 Kɔrɛnti 1:5

Yisa Kirasiti ya a ma, wo ara ma-a-la ko-nyimɛ-bɛɛ rɔ, ado a ya sɛnbɛ di wo ma ka ata kumɛ lake. A ya lɔnnɛ fanan di wo ma a wara-koe rɔ.

1 Kɔrɛnti 4:18

Wo donu bara wasi bawo wo ye wo mirila ko n sa nala kela wo ma.

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

2 Kɔrɛnti 11:1

Wo yandi! Hali n kuntanyanɛ doni, wo ni wo munyu n kɔrɔ.

2 Kɔrɛnti 13:9

Hali male rafaganɛ kɔnɔ ni wole sɛnbɛ kolo, wo le si ma lasewa. Woletɔ ma ye Alla matarala ko fɛɛ-wo-fɛɛ kana taran wo la.

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”