1 Kɔrɛnti 4:6 - ALLALA KUMƐ

⁶ N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.

1 Kɔrɛnti 4:6 Iomraidhean Croise

Yaburi 146:3

I kana i yigi sa kun-tiginu tɔ. Wo fenfen ti ke i kisila.

Yaburi 8:4

nfen bi hadama-dan la min bi a tola, i ye i mirila a ma? Nfenna gbu, i miriya ye kɛla mɔgɔni-finyɛ ma?

Aiseya 2:22

Wo kana lanaya sa hadama-dan rɔ tun! Tɔnɔ-wo-tɔnɔ sa wo la.

Kɛwɔlɛnu 18:24

Yahudiya do nara Ɛfɛsa soe burɔ min tɔgɛ Apɔlɔsi. A sɔrɔnta Alɛsandariya soe burɔ. A kusan kumala, ado a karannɛ Yahudiyanuna kitabu ma bɛrɛkɛ!

Kɛwɔlɛnu 19:1

Apɔlɔsi ye Kɔrɛnti soe burɔ tumɛ min, Pɔli bɔra kantɔ-nyamanɛnu tɔ ka na ke Ɛfɛsa soe burɔ. A ke nyɔ, a ya Marita mɔgɛ donu taran nyɔ.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

1 Kɔrɛnti 1:12

N bi min ma, wo le kɛ la. Wo sa kan kelen tɔ. Mɔgɔ kelen ko, “Nde ye Pɔli le fɛ.” Mɔgɔ-gbɛrɛ ko, “Nde ye Apalasi le fɛ.” Dogbɛrɛ ko, “Nde ye Pita le fɛ.” Dogbɛrɛ fanan ko, “Nde ye Kirasiti le fɛ.”

1 Kɔrɛnti 1:19

ado a sɛbɛnɛ Allala kitabu rɔ ko, “N si hɛnkilimɛla hɛnkili tinya ka mɔgɔ-karannɛnuta lɔnnɛ ma fuyi la.”

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

1 Kɔrɛnti 13:4

Keninteyɛ si a munyu-bɛrɛkɛ. A fanɛ nyimayɛ la. A ti keliyɛ kɛ. A ti a nyɛrɛ kɔrɔbi. A ti wasi.

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

1 Kɔrɛnti 3:21

Woletɔ mɔgɔ-wo-mɔgɔ kana a nyɛrɛ wasi ko a ye kun-tigi do le fɛ bawo wotɛ le fan damasi la.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

1 Kɔrɛnti 9:23

N bi wo bɛɛ kɛla kibara-nyimɛ lela ko la alako mabɛ wonu ni barayi sɔrɔn ma nyɔgɔn fɛ.

2 Kɔrɛnti 10:12

Nba, minnu bara anu nyɛrɛ ma fen na, ma ti sisi ma nyɛrɛ sankala wonu ma. Anu hɛnkili sa mumɛ! Anu bi anu nyɛrɛ sankala anu nyɔgɔn ma! Anu miri a ma ko min telenta anu nyɛrɛ yala, anu bi anu nyɛrɛ kitila wonu denu fɛ.

2 Kɔrɛnti 10:15

Woletɔ donu bara wɔlɛ min kɛ, ma wasini ma wonu na fɔ Alla ara min don male bolo. Kɔnɔ ma yigi le ko wola dɛnkɛninyɛ si to koloyala. Wo le si a ma, Alla ara dan min sa, ma si ke ka wɔlɛ kɛ ka ke a dan ma.

2 Kɔrɛnti 10:7

Wo ni koe kɛnu mafɛlɛn a kila-bɛrɛbɛrɛ fɛ. Wo mirinɛ ko Kirasititɛ le wole la, nyɛ? Nba, wo hɛnkili ni to kɛ fanan ko ko Kirasitita mɔgɛ le male fanan na iko wo ye nya min.

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

2 Kɔrɛnti 12:19

Tumado, wo ye wo mirila ko ma ye ma rayala wati bɛɛ ka ma nyɛrɛ fɛka wo ye. Ade! Ma ye kumala iko Kirasiti ye a fɛ, ma ni kuma nya min Alla yala. Ma diyana-mɔgɛ le wole la. Ma ye koe min bɛɛ mala, ma ye wo kɛla wo dɛnbɛn-koe le la.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

2 Kɔrɛnti 12:6

Ni n bi a fɛ ka n nyɛrɛ matɔgɔ, wo ti a ma, n ni ma kuntan la bawo n bi tonyɛ le fɔla. Kɔnɔ n ti n nyɛrɛ matɔgɔ bawo n sa a fɛ, mɔgɛnu ni anu miri nde ma bɛrɛkɛ! Anu bara n yen min kɛla ka n kan lamɔɛn min fɔla, anu miriya kana tenbi wo la.

2 Kɔrɛnti 4:15

Wo dama ye kɛla ka a tɛgɛ wole ma. Nba, Allata hinɛ min bi kela mɔgɔ siyaman ma nya min, anu siyaman si baraka bira Allata gbiliyɛla ko la wo nya na le.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.