1 Kɔrɛnti 4:5 - ALLALA KUMƐ

⁵ Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

1 Kɔrɛnti 4:5 Iomraidhean Croise

Yobu 12:22

A si waan raka lakira. Pinpi burunnɛ kan min bɛff, a si waan raka nyɔ rɔ waran!

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Matiyu 10:26

“Nba, wo kana kilan mɔgɛnu na. Fenfen yamatogonnɛ, wo yama si ka. Gbundu-koe bɛɛ la si bɔ gbɛ rɔ.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 24:46

Bon-tigi wa sɛgi a warɛ tumɛ min, ni a ya a taran wɔlila, a si sewa wɔli-kɛlɛ wo la.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Matiyu 25:23

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Luka 6:37

“Wo kana mɔgɛnu kiti, woletɔ Alla ti wo fanan kiti. Wo kana mɔgɛnu yiliki, woletɔ Alla ti wo fanan yiliki. Wo ni mɔgɛnu makoto, woletɔ Alla si wo fanan makoto.

Yɔni 21:22

Yisa ya a yabi ko, “Ni n bi a fɛ, ale ni to ha n ni na, ila ko le wo rɔ? Bila n fɛ tun!”

Yɔni 21:23

Nba, kumɛ kɛ nyɛnsɛnta Yisala karan-dannu tɛma ko ala karan-dan doi kɛ ti faga. Kɔnɔ Yisa ma a fɔ ko a ti faga. A ko, “Ni n bi a fɛ, ale ni to ha n ni na, ila ko le wo rɔ?”

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Romu 14:4

Yon bi ile la min bi mɔgɔ-gbɛrɛla wɔli-kɛlɛ rasɛla? Ni a buira wo, a sɔra wo, wo bɛɛ tonɛ a tigi le ma, ado wɔli-kɛlɛ wo si ke a sɔla bawo Alla min bi ma tigi la, wo si ke a mala, a ni sɔ.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 11:16

Kɔnɔ ni mɔgɔ-wo-mɔgɔ ye a fɛ ka sɔsɔli sa kɛla ko la, n si kɛ le dɔrɔn fɔ wola ko la. Male wo, Allata chɔchi doinu wo, namu-wo-namu sa batoli-kɛ-tinɛ ma tɛma kɛ kɔma.

1 Kɔrɛnti 11:26

Wo tenbi biredi kɛ dɔnna ka wo min tuma-wo-tuma, wo si wo miri Marita saya-koe ma ka to a fɔla ha a ni na tumɛ min,

1 Kɔrɛnti 15:23

Kɔnɔ Alla si mɔgɔ kelen-kelennamɛ-bɛɛ lawuli a wati-latɛgɛnɛ rɔ. Kirasiti le a fɔlɔtɛ la. Wo kɔma, Kirasiti wa na tun, minnu taranta ale rɔ, wonu si bila a fɛ.

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

1 Kɔrɛnti 3:14

Ni bɔn wo kananta, wo sɔlɛ si ata barayi sɔrɔn.

1 Kɔrɛnti 3:8

A fuila wo, a yi-kɛla wo, dan-nafara wo dan-nafara sa wonu tɛma. Alla si wonu barayi iko anu kelen-kelennamɛ-bɛɛ wɔlita nya min.

2 Kɔrɛnti 10:18

Mɔgɛ min bi a nyɛrɛ matɔgɔla, wola nyɛrɛ-matɔgɛ wo, fuyi le wo la. Min kolo wo bɛɛ ko, Mari wa min matɔgɔ, wo le fisa a bɛɛ ko.

2 Kɔrɛnti 10:9

N sa a fɛ, a ni ma iko n bi wo makilanna nna kɛdi kɛnu tɔ.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.

Yemesi 5:7

Nba, n na-kelen-nyɔgɛnu, wo ni wo muin ha Mari ni na. Wo ni sɛni-salɛta munyu-nya mafɛlɛn. A ye ala sɛnɛ makɔnɔna munyu-ba rɔ, ha a ni banda-yi-kun-fɔlɔtɛ anubɛ a laban sɔrɔn. A ye a fɛ, ala ki-fannu ni ma-a-la ka nanfa.

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

2 Pita 3:4

Anu si a fɔ ko, “Mari ya lanyiri kiri nun ko a ye nala. A ye mi? Ma benbanu bara faga, bi ma, kɔnɔ kebi duninya kɛ danta, fan bɛɛ ye a gbɛ rɔ iko a ye nya min nun!”

Yude 1:14

Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.