1 Kɔrɛnti 4:12 - ALLALA KUMƐ

¹² Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

1 Kɔrɛnti 4:12 Iomraidhean Croise

Matiyu 5:11

“Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Luka 6:28

Minnu bi wo dankala, wo ni duwa wonu ye. Minnu sa wo birala a kin na, wo ni Alla madiya wonu ye.

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Kɛwɔlɛnu 18:3

A mɛra nyɔ wɔlila anu fɛ bawo a ye a beli-fan sɔrɔnna fani-bɔn-nadan-wɔlɛ wo le tɔ iko wonu fanan bi a mala nya min.

Kɛwɔlɛnu 20:34

Wo nyɛrɛ ya a lɔn ko n bole kɛnu bara wɔlɛ kɛ n ye. N ya n nyɛrɛ makoe bɛɛ nyinya anubɛ n fɛ-mɔgɛnutɛ.

Kɛwɔlɛnu 7:60

A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Romu 12:14

Minnu bi wo niyi ragbɛrɛnna, wo ni duwa anu ye. Wo kana anu danka fɔ ka duwa anu ye.

Romu 12:20

Woletɔ iko a sɛbɛnɛ Allata kitabu rɔ nya min, a ko, “Ni kɔnkɛ ye i yoge la, i ni a de-nyini. Ni a kan-lagbalanɛ, i ni yi di a ma. I tenbi wo mala, a si miliya i ye ka a tɛgɛ a sɔn wo ma.”

Romu 8:35

Nfen si ke ma farala Kirasitila keninteyɛ ma worɔ? Tɔrɔyɛ wo, gbɛlɛyɛ wo, niyi-ragbɛran wo, kɔnkɛ wo, bolo-kolonyɛ wo, masiba-koe wo, sayɛ wo, wonu fenfen ti ke ma farala ata keninteyɛ wo ma.

1 Kɔrɛnti 9:6

Mabɛ Banabasi dɔrɔn de si wɔlɛ kɛ ma balula ko la, wa?

2 Kɔrɛnti 11:8

N bi wɔlila wo tɛma tumɛ min, chɔchi-gbɛrɛnu ya n sara. A mani de nun iko n bi chɔchi wonu kankanna le nun alako n si wo dɛnbɛ nya min.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

2 Tɛsalonaika 3:8

Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.

Yude 1:9

Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”