1 Kɔrɛnti 4:11 - ALLALA KUMƐ

¹¹ ado ha ka, kɔnkɛ ye ma la, ma kan lagbalanɛ fanan. Kura-korenu bi ma ma. Mɔgɛnu bi ma dɛnu tatiila. Ma ye yilan-yilanna tolon!

1 Kɔrɛnti 4:11 Iomraidhean Croise

Yobu 22:6

Ila yili ye i na-kelen-nyɔgɛ la min kɛ, i wara ala kurɛ bɔ a ma ka a gbu-makolonya.

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 16:23

Anu banta Pɔli anubɛ Sailasi gbesila boloko-yogomɛ-kɛ tumɛ min, anu ya anu nadon yele la. Anu ya a fɔ yele-kandannɛ wo ye ko a ni anu mara gben!

Kɛwɔlɛnu 23:2

Minnu sɔnɛ Pɔli dafɛ, Saraka-Masɔla-Kun-Tigi Ananayasi ya a fɔ wonu ye ko anu ni Pɔli dɛ ratii.

Romu 8:35

Nfen si ke ma farala Kirasitila keninteyɛ ma worɔ? Tɔrɔyɛ wo, gbɛlɛyɛ wo, niyi-ragbɛran wo, kɔnkɛ wo, bolo-kolonyɛ wo, masiba-koe wo, sayɛ wo, wonu fenfen ti ke ma farala ata keninteyɛ wo ma.

1 Kɔrɛnti 9:4

A bɛnta mɔgɛnu ni mabɛ Banabasi fanda bawo Marita wɔli-kɛlɛ le male la.

2 Kɔrɛnti 11:20

Ni mɔgɛ ya wo bira ka wo ma iko yɔɔn ka wo bolo labira ka wo kensunya ka yoo wo ma ka wo dɛ ratii, wo si wo munyu mɔgɔ-su wo kɔrɔ.

2 Kɔrɛnti 4:8

Ma tɔrɔnɛ wati bɛɛ kɔnɔ nɔ ma sɔrɔn ma ma. Ma kɔndɔfilinɛ kɔnɔ ma yigi tɛgɛni ma mumɛ!

Filipai 4:12

N ya bolo-kolonyɛ lɔn. N ya nɔnfulu-tigiyɛ lɔn. N bara hɛnkili sɔrɔn ko kelen de ma, n fanɛ wo, n kɔnkɔtoe wo, wo ni n wasa. Fen siyaman bi n bolo wo, ni doni dɔrɔn de n bolo wo, fɔ wo ni n wasa. N ni a ma wo nya kan tinɛ bɛɛ anubɛ wati bɛɛ.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,