1 Kɔrɛnti 4:10 - ALLALA KUMƐ

¹⁰ Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

1 Kɔrɛnti 4:10 Iomraidhean Croise

2 Mansɛnu 9:11

Yehu fanan bɔra ka ta a ta-nyɔgɛnu tɛma ladɛn wo rɔ. Wonu ya a manyinika ko, “Yuwɛ kɛ ya i kele nfen yuwaya-kuma ma nun? Tana ma bɔ nyɔ, nyɛ?” Yehu ya a fɔ anu ye ko, “Wo ya mɔgɔ-sufa kɛla kuma-bole lɔn.”

Hɛnkilimaya-Kumɛnu 11:12

Mɔgɔ-dan-tinyanɛ hɛnkili sa kɔnɔ ni hɛnkili ye min bolo, wo si kun a dɛ ma le.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Matiyu 24:9

“Wo kɔma, mɔgɛnu si wo bira ka wo ladon tɔrɔyɛ rɔ. Anu si wo faga. Mɔgɛ bɛɛ si wo kɔn ndela ko la.

Matiyu 5:11

“Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Luka 18:9

Minnu lanɛ anu nyɛrɛta ko-nyimɛ la ka mɔgɛ toe bɛɛ lafɛya, Yisa ya tili kɛ tɛgɛ wonu denu ye.

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Kɛwɔlɛnu 26:24

Pɔli ye a nyɛrɛ fɛkala tumɛ min, Sigisɔn-Mansa Fɛsitasi kumara a ma kan-mayɛlɛnɛ la ko, “Pɔli, i wara yuwaya. Ila karan-wɛ kɛ ye i layuwayala.”

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

1 Kɔrɛnti 1:25

ado Allata yuwaya-hɛnkili kolo mɔgɛnuta hɛnkili-wɛ ko. Allala sɛnbɛbɔninyɛ kolo mɔgɛnuta sɛnbɛ-belebele-wɛ ko.

1 Kɔrɛnti 10:12

Woletɔ ni min bi a mirila ko a sɔnɛ gben, wo ni a ma a fɛrɛma alako a kana na bu boloko-yogomɛ-kɛ.

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.

1 Kɔrɛnti 2:3

ado n bi wo tɛma tumɛ min, n sɛnbɛ sa nun. N fɛrɛ bɛɛ ye yɛrɛyɛrɛnna kilan bolo.

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 3:2

N ya kin-yi di wo ma bawo wo ma ke bɛ dɔn-fen-bɛrɛ-dɔn ma nun. Hali kaka, wo ti ke a dɔnna

1 Kɔrɛnti 4:8

Wole miri ko wo makoe ye fan min bɛɛ la, wo ara ban wonu sɔrɔnna? Wo ara ban mala nɔnfulu-tiginu na, wa? Ma sa wo dafɛ tumɛ min, wo ara wo nyɛrɛ ma iko mansɛnu. Kɔnɔ alamɛ wo mara mansɛnu na nun alako male fanan ni mansayɛ kɛ wo fɛ,

2 Kɔrɛnti 10:10

Do si a fɔ ko, “Min sɛbɛnɛ Pɔlita kɛdinu tɔ, wo gbɛlɛ ma wara la kɔnɔ ni ale nyɛrɛ ye ma fɛ, a ma gbɛlɛ wo nya. Fen ma ala kumɛnu na!”

2 Kɔrɛnti 11:19

ado wole le dɔrɔn bi hɛnkilimɛnu na! Wo le ya a to, wo sewanɛ ka wo munyu kuntannu kɔrɔ! A sa wo nya, wa?

2 Kɔrɛnti 11:29

Ni nta mɔgɛ dola sɛnbɛ ma ara dɔgɔya, nde fananta sɛnbɛ ma si dɔgɔya. Ni mɔgɛ do ya nta mɔgɛ do ladon hakɛ rɔ, wo si n yisi tɔrɔ ha ka a dan natenbi.

2 Kɔrɛnti 13:9

Hali male rafaganɛ kɔnɔ ni wole sɛnbɛ kolo, wo le si ma lasewa. Woletɔ ma ye Alla matarala ko fɛɛ-wo-fɛɛ kana taran wo la.

2 Kɔrɛnti 4:12

Ma ye ma niyi filila tuma-wo-tuma alako wo ni habadan-nimayɛ sɔrɔn.

2 Kɔrɛnti 6:8

Ma gbiliyanɛ donu bolo, ma lafɛyanɛ donu bolo. Donu bi ma manyinina, donu bi ma matɔgɔla. Hali ma tenbi tonyɛ fɔla, ma biranɛ iko foninya-fɔlɛnu.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.