1 Kɔrɛnti 3:9 - ALLALA KUMƐ

⁹ Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

1 Kɔrɛnti 3:9 Iomraidhean Croise

Yaburi 118:22

Bon-sɔlɛnu ya anu ban kuri min na ko fen ma, wo le ara ma sɛbɛna-kuru-tɔnɔnamɛ la.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Hɛnkilimaya-Kumɛnu 9:1

Hɛnkilimayɛ ya ala bɔn sɔ ka sɛnbɛrɛn-kɔn wɔrɔnfila sɔ a kɔrɔ minnu si bɔn wo bira gben!

Aiseya 32:20

mɔgɛnu sewanɛ si to. Yi-siyaman si taran wola ki-fannu kɔrɔ. Wola kolo-fannu de-nyini-fan si siyaya.

Aiseya 61:11

Iko dugi ye ki-fannu nafɛrɛnna nya min sundi rɔ, Mari si a ma, telenbagayɛ anubɛ tantolɛ ni fɛrɛn sibolenu ya la wo nya na le.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 61:5

Wole ata mɔgɛnu, sundannu si na ka wola kolo-fannu fɛ-bira wo ye. Nyamani-gbɛrɛkɛ-mɔgɛnu fanan si na wola ki-fannu fɛ-bira.

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Matiyu 15:13

Yisa ya anu yabi ko, “N Fa min bi Arinyɛni tɔ, ale ma fan min ki, a si wo bɛɛ wurun.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Matiyu 9:37

Nba, a ya a fɔ ala karan-dannu ye ko, “Fui-fan-tɛgɛtɛ kolo kɔnɔ a tɛgɛlɛnu ma siya.

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Kɛwɔlɛnu 4:11

A sɛbɛnɛ ale Yisala ko la ko, ‘Bon-sɔlɛnu ya anu ban kuri min na, wo ara ma sɛbɛna-kuru-tɔnɔnamɛ la,’

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

1 Kɔrɛnti 3:6

Nde le ya sugi fui, Apalasi ya a yi sa kɔnɔ Alla le ya a ma, a fɛrɛnta ka sabati.

1 Kɔrɛnti 6:19

Wo ma a lɔn ba, ko wo fɛrɛ-bɔnkɛ, Allata Ni-Sɛnimɛta bato-bɔn le? Alla ya ata Ni-Sɛnimɛ min di wo ma, wo siginɛ wole le tɔ, ado wo sa wo nyɛrɛ bolo. Allatɛ le wole la.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

3 Yɔni 1:8

A bɛnta, male dɛnkɛninya-mɔgɛnu ni mɔgɔ-sufa kɛnu dɛnbɛ worɔ. Ni ma ya wo ma, ma ara matɛ kɛ anuna wɔlɛ rɔ tonyɛla ko la.