1 Kɔrɛnti 3:5 - ALLALA KUMƐ

⁵ Nfen bi a mala, mabɛ Apalasi kolo wo yala? Allala wɔli-kɛlɛ le male la dɔrɔn. Wo dɛnkɛninyara Yisa ma tumɛ min, ma ya wo dɛnbɛ. Mari ya wɔlɛ min di ma kelen-kelennamɛ-bɛɛ ma, ma ye wɔlɛ wo le kɛ tinɛ tolon!

1 Kɔrɛnti 3:5 Iomraidhean Croise

Matiyu 25:15

A ya fan do don anu kelen-kelennamɛ-bɛɛ bolo iko anuna kusanyɛ ye nya min. A ya sɛnɛ-bɔrɔ loli don kelen bolo. A ya bɔrɔ fila don do bolo. A ya bɔrɔ kelen don do bolo. Wo kɔma, a tara tagama rɔ.

Luka 1:2

Kebi a dabira tumɛ, minnu ya koe kɛnu tayen ka wo kilayɛ lake ma ma, anu ya wo bɛɛ sɛbɛ iko a fɔra ma ye nya min.

Yɔni 3:27

Yɔni ya anu yabi ko, “Mɔgɔ ti ke fenfen sɔrɔnna anu nyɛrɛ ma, fɔ Alla wa min di a ma.

Kɛwɔlɛnu 18:24

Yahudiya do nara Ɛfɛsa soe burɔ min tɔgɛ Apɔlɔsi. A sɔrɔnta Alɛsandariya soe burɔ. A kusan kumala, ado a karannɛ Yahudiyanuna kitabu ma bɛrɛkɛ!

Kɛwɔlɛnu 19:1

Apɔlɔsi ye Kɔrɛnti soe burɔ tumɛ min, Pɔli bɔra kantɔ-nyamanɛnu tɔ ka na ke Ɛfɛsa soe burɔ. A ke nyɔ, a ya Marita mɔgɛ donu taran nyɔ.

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 16:12

Nba, ka ma na-kelen-nyɔgɛ Apɔlɔsila wara-koe fɔ, n bara a madiya ko a ni ta wobɛ ma na-kelen-nyɔgɛnu kɔndɔn. Kɔnɔ ta-sɔgɔ sa a la nyɔ kaka kɔnɔ hali wo, a wa fɛrɛ sɔrɔn tumɛ min, a ye tala le.

1 Kɔrɛnti 3:10

Allata hinɛ fɛ, n bara nna wɔlɛ kɛ iko bon-sɔla-hɛnkilimɛ. N ya bɔn wo kurukɛ, wo kɔma, mɔgɔ-gbɛrɛ ya a dagɛ lawuli. Kɔnɔ mɔgɔ kelen-kelennamɛ-bɛɛ ni a ma a fɛrɛma bɔn wo sɔ-tinɛ,

1 Kɔrɛnti 3:22

Nde, Pɔli wo, Apalasi wo, Pita wo, duninya kɛ wo, niyi wo, sayɛ wo, fan minnu bi nyɔ kaka wo, fan minnu bi sina wo, wotɛ le wo bɛɛ la,

1 Kɔrɛnti 3:7

A fuila wo, a yi-kɛla wo, fen ma wonu na. Alla min bi a mala, fui-fan ni fɛrɛn ka sabati, wo le kolo.

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

2 Kɔrɛnti 5:18

Wo bɛɛ bɔnɛ Alla le bolo. Kirasiti baraka rɔ, male ma ma a yoge la fɔ ka ma a diyana-mɔgɛ la. A ya wɔlɛ kɛ di ma ma ko ma ni mɔgɛ doinu nana a ma ka wonu fanan ma a diyana-mɔgɛnu na.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

Ɛfɛsa 3:7

Alla ara n ma ata wɔli-kɛla-yabɔnɛ la ata sɛnbɛ fɛ. Wɔlɛ wo mara nta sanbɛ la Alla bolo. Ale le ya wo di n ma.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:25

Alla ara n ma ata kuma-lakelɛ la alako n ni ata kumɛ-mumɛ-bɛɛ-lakofunɛ lake wole sibolo-gbɛrɛnu tɛma.

1 Timoti 1:12

N bi baraka birala ma Mari Yisa, Allata-Mɔgɔ-Yabɔnɛ ye min bara sɛnbɛ di n ma ata wɔlɛla ko la. N bi baraka birala a ye bawo a ara a miri nde ma ko n bɛnnɛ ka ata wɔlɛ kɛ katarala a ara n sɔ ata wɔlɛ kɛ min na.

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.