1 Kɔrɛnti 2:1 - ALLALA KUMƐ

¹ N na-kelen-nyɔgɛnu, n nara wo wara tumɛ min ka Allata gbundu-koe lagbɛ wo ye, n ma nna karan-bɛ anubɛ nna lɔnni-wɛ yira wo la.

1 Kɔrɛnti 2:1 Iomraidhean Croise

Bɔ-Koe-Iyipiti 4:10

Musa ya a fɔ Mari ye ko, “Mari, n da ra ma di kebi fɔlɔ, ado nfan, kebi i bilara kumala n ye, ha bi, n ma kusanya kumala fɔlɔn. N da la ma tiri kuma tinɛ. Sikɛ ye n tɔ kuma tinɛ.”

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 22:18

N ya Mari le yen ko-rayirɛ wo rɔ. A ya a fɔ n ye ko, ‘I kaliya ka bɔ Yerusalɛm bawo i ye sereyɛ min bɔla n ye, yan-mɔgɛnu ti wo bira.’

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

1 Kɔrɛnti 1:17

Kirasiti ma n sɔ batasi-koe la. A ya n sɔ kibara-nyimɛ fɔ-koe la, ado n sa kibara-nyimɛ wo fɔla darɔ-diyɛ anubɛ hadama-danta hɛnkilimayɛ la. Ni n ya wo ma, Kirasitita sayɛ ma mɔnɛ bɔ worɔ.

1 Kɔrɛnti 1:6

Alla ya a ma, Kirasitita kumɛ siginɛ wo yisi rɔ a nya bɛrɛbɛrɛ-wɛ ma.

1 Kɔrɛnti 2:13

Ale ata Ni-Sɛnimɛ ye wole min bolo, ma tenbi wo karanna, ma ti kuma wo ye iko hadama-dannu karannɛ nya min. Allata Ni-Sɛnimɛ ye ma karanna kumɛ minnu na, ma si wo karan wonu denu na.

1 Kɔrɛnti 2:4

N ma wo makawandi halliya-kumɛnu anubɛ hadama-den-hɛnkilimayɛ fɛ. N ya wo ma Allala Ni-Sɛnimɛ sɛnbɛ-mayirɛ dɔrɔn de fɛ.

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

2 Kɔrɛnti 10:10

Do si a fɔ ko, “Min sɛbɛnɛ Pɔlita kɛdinu tɔ, wo gbɛlɛ ma wara la kɔnɔ ni ale nyɛrɛ ye ma fɛ, a ma gbɛlɛ wo nya. Fen ma ala kumɛnu na!”

2 Kɔrɛnti 11:6

Tumado, nde ma kusan kumala kɔnɔ n sa wo nya lɔnnɛ rɔ. Ma ara wo gbɛ wo ye koe bɛɛ rɔ.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.

Lankɛnimayɛ 1:2

Yɔni ya min bɛɛ rayen, a ya wo bɛɛ fɔ. Yɔnita dantɛgɛlɛ le kɛ la ka a bɛn Allala kumɛ anubɛ Yisa ma, Allata-Mɔgɔ-Yabɔnɛ wo ya tonyɛ min yira a la, kɔni.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.