1 Kɔrɛnti 15:2 - ALLALA KUMƐ

² Ni wo ya a bira iko n bara wo makawandi nya min nun, wo si kisi kibara-nyimɛ wo fɛ. Kɔnɔ ni wola dɛnkɛninyɛ mara fuyi la, wo si baya.

1 Kɔrɛnti 15:2 Iomraidhean Croise

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Hɛnkilimaya-Kumɛnu 4:13

I wara minnu karan kɔrɔma la, i ni to i mirila wonu ma. I niyi-kole le ila karan la.

Luka 8:13

Sugi min fuira fara-kole ma, wo mani de iko mɔgɛ min bi kumɛ lamɔɛnna, ado a si a bira sewɛ la tiriya! Sugi wo fɛrɛnta kɔnɔ a ma ke a suli yigila. A dɛnkɛninyara wati-kundunɛ kɔrɔ kɔnɔ magbɛrɛnkɛ nara tumɛ min, a ya ala dɛnkɛninyɛ boloka.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 8:13

Hali Saimon nyɛrɛ fanan dɛnkɛninyara ka batasi. A tora Filipi dafɛ bawo kabana-ko-wɛnu anubɛ tamasere minnu kɛra, a ya wonu yen tumɛ min, ale fanan kawara kati!

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

1 Kɔrɛnti 15:14

Nba, ni Kirasiti la ma wuli ka bɔ furinu tɛma, kawandili-kun sa ma bolo worɔ, ado wo dɛnkɛninya-kun sa fanan.

2 Kɔrɛnti 2:15

Ma niyi mani de iko sɛnti-suma-diyamɛ, Kirasiti ye min nabɔla Alla ye, kɔni. Minnu bi kisila wo, minnu bi halakila wo, wo bɛɛ si fen-sumɛ wo lamɔɛn.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Kalesiya 3:4

Koe min bɛɛ ara ma wo ye nun, wo dama ara ma fuyi la, wa? Wo ni a lɔn ko koe kɛnu ma kɛ fufafu!

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

2 Tɛsalonaika 2:15

Woletɔ ma na-kelen-nyɔgɛnu, wo ni wo sɔ yiri! Ma ya wo karan tonyɛ min na kawandilɛ anubɛ kɛdi rɔ, wo ni wo bira gben!

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Yemesi 2:14

N na-kelen-nyɔgɛnu kana a fɔ ko, “Dɛnkɛninyɛ ye n bolo,” ni ila kɛwɔlɛnu ma a yira. Wo si nfen nyinya i ma? Ita dɛnkɛninyɛ wo si ke i kisila worɔ, wa?

Yemesi 2:17

Dɛnkɛninyɛ fanan bi wo nya na le. Ni a ye a dan na, kɛwɔlɛnu sa a fɛ, a faganɛ le worɔ.

Yemesi 2:26

Nba, iko fɛrɛ-bɔnku-faganɛ ye nya min, niyi sa a rɔ, dɛnkɛninyɛ fanan faganɛ wo nya le, ni kɛwɔlɛnu sa a fɛ.