1 Kɔrɛnti 13:9 - ALLALA KUMƐ

⁹ Lɔnnɛ wo, wɔlɔyiya-kumɛ wo, mala fandɛ wo bɛɛ ma kanbali wɛ.

1 Kɔrɛnti 13:9 Iomraidhean Croise

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 40:5

Mata Mari Alla, i wara ko-siyaman ma ma ye. I nyɔgɔn sa! I wara kabana-ko-miriya-siyaman tabɛn ma ye. N ti ke anu damasi wara-koe rakaranna. N ma anu dan-natɛgɛ lɔn.

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Romu 11:34

Iko a sɛbɛnɛ Allala kitabu rɔ nya min ko, “Yon ya Mari miriya lɔn? Yon si ke a makawandila?

1 Kɔrɛnti 13:10

Kɔnɔ min kanbalinɛ, wo wa na tumɛ min, fanda-kanbalibɛlɛ kɛnu si tunu yen!

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

1 Kɔrɛnti 8:2

Minnu miri ko anu hɛnkili waranɛ, wonu ma fenfen lɔn iko a bɛnta, anu ni a lɔn nya min.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!