1 Kɔrɛnti 13:4 - ALLALA KUMƐ

⁴ Keninteyɛ si a munyu-bɛrɛkɛ. A fanɛ nyimayɛ la. A ti keliyɛ kɛ. A ti a nyɛrɛ kɔrɔbi. A ti wasi.

1 Kɔrɛnti 13:4 Iomraidhean Croise

Ko-Dabirɛnu 30:1

Resɛli ya a yen tumɛ min ko a ma dan sɔrɔn Yakoba ye, a ya a kɔrɔ-musi Liya makeliya. A ya a fɔ Yakoba ye ko, “Ni n ma dan sɔrɔn i ye, n bi fagala le.”

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Yaburi 10:5

Karagbɛlɛ ya a bole don ko-wo-ko rɔ, wo ti sɛgi kɔma. A ti Allata kiti-tɛgɛ-bole nya-yen. A si nyima a yogenu tɔ.

Hɛnkilimaya-Kumɛnu 10:12

Gboyanayɛ si bɛnbɛlitayɛ lawuli kɔnɔ keninteyɛ si ko-yogomɛ damasi yamatogon.

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 17:9

Ni i ko i ni diya mɔgɛnu ye, fɔ i ni anu sɔn yamatogon. Ni i tora anu sɔn fɔla, i ti i diyana-mɔgɛ sɔrɔn.

Hɛnkilimaya-Kumɛnu 19:22

Yanni mɔgɛ ni ma kɔrɔnditore la ka a bolo-fan kumagbesi, a fisa worɔ, a ni ma bolo-kolɔn la bawo miliya-koe le foninya-fɔɛ la.

Hɛnkilimaya-Kumɛnu 31:20

A si bolo-kolɔnnu kɔ sewɛ rɔ ka anu dɛnbɛ.

Hɛnkilimaya-Kumɛnu 31:26

A si hɛnkilimaya-kumɛnu fɔ ka kila-nyimɛ yira mɔgɛnu na.

Makawandili Kumɛnu 10:4

Ni ila kun-tigi-fonde bɔra i kan ma, i ni a bira-i-rɔ. Nyɛrɛ-birɛ wo si a ma, ila ko-tinyanɛ wo bɔrɔ ni bɔ kun-tigi wo ye.

Matiyu 27:18

A ya a lɔn serr, ko Yahudiyanuna kun-tiginu bara Yisa don a bolo keliyɛ lela ko la.

Kɛwɔlɛnu 7:9

“Ma benba wonu ya anu dɔgɔ Yusufu mayira keliyɛla ko la ko a ni ta yɔɔnyɛ rɔ Iyipiti nyamanɛ rɔ. Kɔnɔ Alla ye a fɛ nun.

Romu 1:29

Karagbɛlɛyɛ wo, nata wo, gboyanayɛ wo, ko-yogoma-su bɛɛ wo, anu burɛ lafanɛ wo bɛɛ la. Keliyɛ wo, mɔgɔ-fagɛ wo, sɔsɔlɛ wo, yanfanteyɛ wo, anubɛ yogoyɛ, anu burɛ lafanɛ wonu fanan na. Anu bi nafigiyɛ kɛla

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

1 Kɔrɛnti 3:3

bawo wo miriya anubɛ duninya-mɔgɛnutɛ, kelen de! Ha ka, keliyɛ anubɛ sɔsɔlɛ ye wo nyɔgɔn tɛma. Wonu denu si a yira ma la ko wo ye ko-ladanna iko dɛnkɛninyabɛlɛnu bi a mala nya min.

1 Kɔrɛnti 4:18

Wo donu bara wasi bawo wo ye wo mirila ko n sa nala kela wo ma.

1 Kɔrɛnti 4:6

N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

2 Kɔrɛnti 6:6

Ma ara a yira ko Allata wɔli-kɛlɛ le ma la mala sɛninyɛ fɛ, mala lɔnnɛ fɛ, mala munyɛ fɛ, mala nyimayɛ fɛ, anubɛ mala keninteya-bɛrɛ fɛ Allata Ni-Sɛnimɛ baraka rɔ.

Kalesiya 5:26

Ma kana wasi. Ma kana ma nyɔgɔn nadiminya. Ma kana ma nyɔgɔn makeliya.

Ɛfɛsa 4:2

Wo kana a lagbɛlɛya wo nyɔgɔn kuma fɔ ka famayigiyɛ kɛ wo nyɔgɔn ye a nya bɛɛ ma. Wo ni wo munyu wo nyɔgɔn kɔrɔ keninteyɛ rɔ.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Filipai 1:15

Nba, minnu bi Kirasitila kawandili-koe bɔla, anu donu bi wo bɔla keliyɛ anubɛ sɔsɔlɛ la anu bolo. Donu bi ala kawandili-koe bɔla anu kɔntɔ-nyimɛ la.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

1 Timoti 6:4

wo tigi ara a nyɛrɛ kɔrɔbi ka wasi. A ma ko-wo-ko lɔn. A hɛnkili rabasannɛ. Wo si a ma, anu ni sɔsɔli kɛ kumɛnuna ko la. Sɔsɔlɛ wonu si na keliyɛ la min si a ma, wo si faralɛ lana anu tɛma. Wo kɔma, anu bi suila anu nyɔgɛnu ma,

2 Timoti 2:25

A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.

1 Pita 2:1

Woletɔ wo ni fara ko-yogomɛ bɛɛ la. Wo kana foninyɛ fɔ tun. Nyɛrɛmankolayɛ wo, keliyɛ wo, mɔɛn-kɛ wo, wo ni fara wonu na!

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

1 Yɔni 4:11

N diyana-mɔgɛnu, ni Alla ara male keni wo nya le, a fisa, male fanan ni ma nyɔgɔn keni wona!