1 Kɔrɛnti 13:1 - ALLALA KUMƐ

¹ Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 13:1 Iomraidhean Croise

Yaburi 150:5

Wo ni karanya-dɔgɔmɛ bi a tanto tinɛ. Wo ni karanya-kinamɛ bi a tanto tinɛ.

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Romu 14:15

Ni wo ya fɛɛ sa wo na-kelen-nyɔgɛla dɛnkɛninyɛ la wola dɔn-fanla ko la, wo sa tagamana keninteyɛ rɔ tun. Kirasiti fagara mɔgɛ min ye, wo kana sɔn, wola dɔn-fan ni wo tigi halaki!

1 Kɔrɛnti 12:10

Ata Ni-Sɛnimɛ si kabana-ko-wɔli-sɛnbɛ di mɔgɛ do ma ka kawandili-labɔ-sɛnbɛ di mɔgɔ-gbɛrɛ ma. Fandɛ minnu bɔra Allata Ni-Sɛnimɛ bolo anubɛ minnu ma bɔ a bolo, wonu dan-nafarɛ-lɔn-sɛnbɛ dinɛ mɔgɔ-gbɛrɛ ma. Kan-gbɛrɛ-fɔ-sɛnbɛ dinɛ mɔgɛ do ma. Kan wo latenbi-sɛnbɛ dinɛ mɔgɔ-gbɛrɛ fanan ma,

1 Kɔrɛnti 12:16

Ni tole ya a fɔ ko, “Nde tugunni ma fɛrɛ la bawo ya ma n na,” wo ti a ma, a ti ma fɛrɛ kan-tinɛ do la.

1 Kɔrɛnti 12:8

Ata Ni-Sɛnima kelan wo si hɛnkilimaya-kumɛ di do ma. Lɔnnɛ ye kawandili min tɔ, a si sɛnbɛ wo di mɔgɔ-gbɛrɛ ma fanan.

1 Kɔrɛnti 13:8

Keninteyɛ ti ban mumɛ! Wɔlɔyiya-kuma-fɔɛnu bi nyɔ kɔnɔ wonu fanan ti mɛ. Kan-gbɛrɛ-fɔɛnu bi nyɔ kɔnɔ wonu si to-a-rɔ. Lɔnnɛ ye nyɔ kɔnɔ wo bɛrɛn si tenbi.

1 Kɔrɛnti 14:2

Min bi kan-gbɛrɛ fɔla, wo sa kumala mɔgɔ ye fɔ Alla bawo mɔgɔ sa a kan lamɔɛnna. A ye gbundu-koenu denu fɔla Allata Ni-Sɛnimɛ baraka la wo la.

1 Kɔrɛnti 14:4

Min bi kan-gbɛrɛ fɔla, wo ye a nyɛrɛ le dɔrɔn dɛnbɛna kɔnɔ min bi Allala kumɛ fɔla, wo ye chɔchi bɛɛ le dɛnbɛna.

1 Kɔrɛnti 14:5

Ni wo dama si ke kan-gbɛrɛ fɔla, wo si a diya don n tɔ. Kɔnɔ min di n ye wo ko, wo le, ko wo dama ni Allala-kuma-fɔ-fandɛ sɔrɔn, ado Allala-kuma-fɔɛ tenbira kan-gbɛrɛ-fɔɛ la. Kɔnɔ ni mɔgɔ do taranta nyɔ min si a kan latenbi alako chɔchi-mɔgɛ bɛɛ ni dɛnbɛnɛ sɔrɔn wo fɛ, nba, wo fisa.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

2 Kɔrɛnti 12:4

A ya koe donu namɔɛn nyɔ, hadama-dan ti ke minnu fɔla, ado a ti ke minnu nakaranna.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

Lankɛnimayɛ 14:2

Wo kɔma, n ya kuman-kan lamɔɛn bɔla Arinyɛni tɔ. Wo manɛ iko wasa-sɛnbɛlamɛ-kan. A manɛ fanan iko san-sɛrɛn-kan. N ya kuman-kan min namɔɛn, wo manɛ fanan iko sɔrɔn-fɔlɛnuna sɔrɔn-kan.