1 Kɔrɛnti 1:7 - ALLALA KUMƐ

⁷ Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 1:7 Iomraidhean Croise

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

Matiyu 25:1

“Koe kɛnu ba ma tumɛ min, Alla min bi Arinyɛni tɔ, ata mansayɛ si ma iko sunkurun tan minnu ya anuna lɛnpunu bi ka ta kɔnyɔ-tigi labɛn kilɛ la.

Luka 12:36

iko wɔli-kɛlɛ minnu bi anu tigi makɔnɔna ka bɔ kɔnyɔ-masɔ-ladiyɛ rɔ. A wa na tumɛ min ka bonda-dɛ matugu, anu si a laka a ye tiriya!

Luka 17:30

A si ma wo nya na le fanan nde, Hadama-dan wa bɔ gbɛ rɔ lunyɛ min.

Romu 8:19

A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 12:13

Nba, n ya wo bira boloko-yogomɛ-kɛ ka tenbi chɔchi donu na nun kama? Fɔ n ma wo yakɔrɔ-mamɔ min kɛ wodi-ko-dɛnbɛnɛ la dɔrɔn. Wo yandi, wo ni n makoto hakɛ wo la!

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Filipai 3:20

Kɔnɔ Arinyɛnitɔ-duguran le male la. Ma ye gbaranna mala kisilɛ Mari Yisa, Allata-Mɔgɔ-Yabɔnɛ la ko a ni na ka bɔ Arinyɛni tɔ.

Kɔlɔsi 3:4

Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Yude 1:21

Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.