1 Kɔrɛnti 1:6 - ALLALA KUMƐ

⁶ Alla ya a ma, Kirasitita kumɛ siginɛ wo yisi rɔ a nya bɛrɛbɛrɛ-wɛ ma.

1 Kɔrɛnti 1:6 Iomraidhean Croise

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Kɛwɔlɛnu 11:17

ado a ara gbɛ feu, ko male dɛnkɛninyara Mari Yisa, Allata-Mɔgɔ-Yabɔnɛ ma tumɛ min ko Alla ya kɔ-fan min di male ma, a ara wo sifa le di sibolo-gbɛrɛnu ma. Nba, nfen bi nde la nun worɔ ko n ni Alla lakala?”

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 18:5

Sailasi anubɛ Timoti kera nyɔ tumɛ min ka bɔ Masidoniya nyamanɛ rɔ, Pɔli tora kawandili bɔla Yahudiyanu ye wati bɛɛ. A ye sereyɛ bɔla anu ye ko Yisa, Allata-Mɔgɔ-Yabɔnɛ le.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 22:18

N ya Mari le yen ko-rayirɛ wo rɔ. A ya a fɔ n ye ko, ‘I kaliya ka bɔ Yerusalɛm bawo i ye sereyɛ min bɔla n ye, yan-mɔgɛnu ti wo bira.’

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

2 Kɔrɛnti 12:12

Kabana-koe anubɛ ko-makawanɛ minnu ya a yira ko kilaya-bɛrɛ le nde la, n bara n munyu wo bɛɛ ma-tinɛ wo tɛma.

Kalesiya 3:5

Alla le ya ata Ni-Sɛnimɛ di wo ma ka kabana-koenu kɛ wo tɛma. A ya wo ma le ka a tɛgɛ tɔn-kitabu ara min fɔ, wa? Ade, a ya wo ma ka a tɛgɛ wo ara kibara-nyimɛ lamɔɛn nya min ka dɛnkɛninya Yisa ma.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

1 Timoti 2:6

Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

Lankɛnimayɛ 1:2

Yɔni ya min bɛɛ rayen, a ya wo bɛɛ fɔ. Yɔnita dantɛgɛlɛ le kɛ la ka a bɛn Allala kumɛ anubɛ Yisa ma, Allata-Mɔgɔ-Yabɔnɛ wo ya tonyɛ min yira a la, kɔni.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 12:17

Ninkinankɛ diminyara musi wo ma kati! Musi wo bɔnsɔn-toe min ya Allata tɔnnu bira ka Yisala tonyɛ yira, ninkinankɛ wo tara wo bɛɛ kɛlɛ tinɛ.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 6:9

Wo kɔma, saga-dan ya li-kɛɛn loli nyɔgɛ bɔ a ma ka a lafulen. Minnu fagara Allala-kumɛ-kawandili anubɛ anuna sereya-nyimɛla ko la, n ya wonu niyi yen saraka-bɔ-tinɛ kɔrɔ.