1 Ko-Kɔrɔta-Karan 9:4 - ALLALA KUMƐ

^4-6 Yuda bɔnsɔn-mɔgɛ minnu sɛgira Yerusalɛm soe burɔ ka sigi nyɔ, wo le yatɛ bɛnta mɔgɔ kɛmɛ wɔrɔ, mɔgɔ bi-kɔnɔntɔ (690) ma. Yudala den Pɛrɛsi, wota kebila-kunyɛ min nara ka bɔ Babilɔn, wo tɔgɛ le Yutayi. Yutayi wo fa tɔgɛ le Amihudi. Amihudi wo fa tɔgɛ le Hɔmɔri. Hɔmɔri wo fa tɔgɛ le Imiri. Imiri wo fa tɔgɛ le Bani. Yudala den Pɛrɛsi kɛ kegeyɛ le Bani kɛ la. Yudala den Sela, wota kebila-kunyɛ min nara ka bɔ Babilɔn, wo tɔgɛ le Asaya. Yudala den Seraha, wota kebila-kunyɛ min nara ka bɔ Babilɔn, wo tɔgɛ le Yuwɛli.

1 Ko-Kɔrɔta-Karan 9:4 Iomraidhean Croise

Ko-Dabirɛnu 46:12

Yakobala den Yuda wo tara ala den-kei mɔgɔ sawɛ la a bolo, Sela wo, Pɛrɛsi wo, anubɛ Sera. Kɔnɔ Pɛrɛsi wo tara ala den-kei mɔgɔ fila la a bolo, Hɛsirɔn anubɛ Hamula. Kɔnɔ Yudala den-kei mɔgɔ filɛ, Ɛra anubɛ Onan, wonu fagara Kenan nyamanɛ rɔ.

1 Ko-Kɔrɔta-Karan 2:5

Yudala den Pɛrɛsi ya den-kei fila sɔrɔn, Hɛsirɔn anubɛ Hamula.

1 Ko-Kɔrɔta-Karan 4:1

Yuda sɔrɛ donu tɔgɛ le kɛnu na, Pɛrɛsi, Hɛsirɔn, Kelabu min fanan tɔgɛ le Karimi, Huri anubɛ Sobali.

Nihɛmaya 10:13

Hodaya wo, Bani wo, anubɛ Bɛnainu.

Nihɛmaya 11:4

Kɛnu denu bɔra Yuda bɔnsɔn-mɔgɛnu tɔ. Yusayala den Ataya, Sakaraya mamanɛ, kɔni, wo nara sigi Yerusalɛm. Sakaraya wo fa tɔgɛ le Amaraya. Amaraya fa tɔgɛ le Sɛfataya. Sɛfataya fa tɔgɛ le Mahalalɛli. Yudala den Pɛrɛsi, wo sɔrɛ le kɛ dama la.

Nihɛmaya 11:6

Pɛrɛsi sɔrɛ minnu malɔnnɛ, wonu yatɛ bɛnta mɔgɔ kɛmɛ nani, mɔgɔ bi-wɔrɔ ani mɔgɔ segin (468) ma. Wonu denu sigira Yerusalɛm soe burɔ.

Nihɛmaya 8:7

Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.